Cichanoŭskaja: Ja zaklikaju ŭsie krainy śvietu pavažać suvierenitet Respubliki Biełaruś
Pra heta Śviatłana Cichanoŭskaja zajaviła na pres-kanfierencyi ŭ Vilni.
«Ja zaklikaju ŭsie krainy śvietu pavažać suvierenitet Respubliki Biełaruś» — skazała jana.
Žurnalistka Sky News spytała Cichanoŭskuju, ci jana źbirajecca viartacca ŭ Biełaruś. Cichanoŭskaja skazała, što lubić svaju radzimu i choča tudy viarnucca — i vierniecca, kali budzie adčuvać siabie tam u biaśpiecy.
Karespandent Deutche Welle spytaŭ, ci baicca jana rasijskaha ŭmiašalnictva ŭ situacyju ŭ Biełarusi, užyvańnie ŭzbrojenaj padtrymki. Cichanoŭskaja ŭ adkaz zaklikała ŭsie krainy śvietu pavažać suverenitet Biełarusi.
Žurnalistka Lietuvos rytas spytała, ci stanie Cichanoŭskaja kandydatkaj, kali buduć novyja vybary. Cichanoŭskaja adkazała, što ciapier hałoŭnaja zadača — dabicca novych svabodnych vybaraŭ, pytańnie jejnaha ŭdziełu ciapier nie staić.
Na pytańnie Agence France-Presse ab tym, kolki času možna praciahvać pratesty, Cichanoŭskaja skazała: tolki čas adkaža na hetyja pytańni, ale biełaruskaja nacyja ŭžo nikoli nie zmoža pryniać ciapierašniaje kiraŭnictva, daravać i zabyć toj hvałt, jaki pieražyŭ narod.
Žurnalit BNS spytaŭ, jakija sankcyi buduć najbolš efektyŭnyja suprać režymu Łukašenki. Cichanoŭskaja padziakavała ŭsim krainam, jakija padtrymlivajuć biełarusaŭ, ale nie adkazała na pytańnie.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary