Pavał Łatuška abvierh fejki nakont pazicyi Kaardynacyjnaj rady adnosna sajuza i miažy z Rasijaj
Siabar Kaardynacyjnaj rady Pavieł Łatuška ŭ intervju «Svabodzie» nazvaŭ fejkami niekatoryja publikacyi ŚMI ab pazicyi Kaardynacyjnaj rady pa pytańniach Sajuznaj dziaržavy i JEAES.
«Ja takoha nie kazaŭ, ja kazaŭ, što my prosta nie razhladajem hetych pytańniaŭ, hetaha niama ŭ paradku dnia našych dyskusij, u nas inšy paradak dnia, unutrany. A to ciapier pačnuć havaryć, što my nibyta prarasijskija. My prabiełaruskija», — zajaviŭ jon.
Taksama Pavał Łatuška nazvaŭ fejkami zajavy premjera Ramana Hałoŭčanki ab tym, što apazicyja prapanuje adnavić miažu z Rasijaj i pravieści prymusovuju biełarusizacyju. Hetyja pytańni na Kaardynacyjnaj radzie nie razhladalisia, zajaviŭ jon.
Hałoŭnym patrabavańniem apazicyi zastajucca adstaŭka Łukašenki i praviadzieńnie svabodnych vybaraŭ, na jakich hramadzianie vyznačacca z dalejšym palityčnym i ekanamičnym kursam krainy.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary