Ukazam prezidenta № 214 ad 21 krasavika 2009 hoda ŭ Biełarusi pavyšany mytnyja pošliny na šyroki pieralik impartnych spažyvieckich tavaraŭ.
Zhodna z dakumientam, terminam na dzieviać miesiacaŭ ustanoŭleny ŭvaznyja mytnyja pošliny
ŭ pamiery 40% na miasa i charčovyja subpradukty sa svojskaj ptuški.Na viny vinahradnyja naturalnyja i droždžy ŭstanoŭlena ŭvaznaja mytnaja pošlina ŭ pamiery 30%. Na śmietankovaje masła i inšyja tłuščy i masła, vyrablenyja z małaka, małočnyja pasty, kruchmał, marožanaje ŭvaznyja mytnyja pošliny składuć 25%.
Novyja mytnyja pošliny ŭ pamiery 30% buduć dziejničać na adzieńnie, što ŭvozicca ŭ Biełaruś,u tym liku śvitery, majki, palito, paŭpalito, płaščy, sukienki, spadnicy, kaściumy, pižamy, chałaty, bializnu.
Anałahičnaja pošlina ŭstanoŭlena na adzieńnie, jakoje było va ŭžyvańni.Pošlina 25% ustanaŭlivajecca na kałhotki i žanočyja pančochi.
Novyja pošliny taksama ŭstanoŭleny na myła (25%) i sanitarna‑techničnyja vyraby (30%).
U hrupie tavaraŭ, jakija zakranuŭ novy ukaz prezidenta, apynułasia bytavaja technika.
Pošlina ŭ pamiery 25% ustanoŭlena na chaładzilniki, marazilniki i pralnyja mašyny, 30% — na pyłasosy, DVD‑prajhravalniki, 40% — na piečy mikrachvalevyja i televizary. Pry hetym minimalnaja pošlina na televizary składzie ad 50 da 200 jeŭra.
Novyja pošliny ustanoŭleny na budmateryjały. U pryvatnaści, na pradukcyju drevapierapracoŭki (DVP, DSP, faniera i h.d), vyraby z papiery (špalery), bruskovyja, šmatsłojnyja i reječnyja stalarnyja plity buduć dziejničać pošliny ŭ pamiery 25—30%.
Akramia taho, na šeść miesiacaŭ ustanoŭleny ŭvaznyja pošliny ŭ pamiery 180% na bulbu, cybulu repčatuju, kapustu biełakačannuju, morkvu i burak stałovy.
Ukaz uvojdzie u siłu paśla aficyjnaha apublikavańnia.
0
0
0
0
0
0
