Ab hetym jon zajaviŭ siońnia na naradzie ŭ Minsku, piša BiełTA.
«Hałoŭnaje dla nas — ekanomika. Kali ŭ nas buduć narmalna pracavać pradpryjemstvy, nam nie strašnyja nijakija kataklizmy. Z vulicaj my spravimsia, jak by im ni chaciełasia destabilizavać hetuju abstanoŭku», — zajaviŭ Łukašenka.
Jon adznačyŭ, što ŭžo ŭsie ludzi adčuli, što dziejnamu prezidentu jość na kaho abapiercisia. «Užo ŭ mitynhach u padtrymku miru, spakoju, dziejučaha prezidenta vystupiła kala 3 młn čałaviek. Heta ž silišča — 3 młn čałaviek, — skazaŭ Alaksandr Łukašenka. — Naš elektarat bolš spakojny: vieterany, piensijaniery, śpiecyjalisty. Jany viedajuć svaju spravu, pracujuć. Tamu my i budziem mieć tuju kolkaść ludziej — 80%, jakija za nas prahałasavali».
«Tamu treba žyć spakojna, zajmacca kožnamu svajoj spravaj. A što tyčycca mianie, siłavych struktur i inšych, my budziem zajmacca taksama svajoj spravaj. Vyklučna pa zakonie. Tamu treba razharnuć Bibliju, ja maju na ŭvazie zakon, i čytać: heta —sankcyi takija, voś heta — sankcyi takija. My nie kryvažernyja, my nie źbirajemsia nikoha dušyć, haniać pa vulicach, kali nas da hetaha nie vymušajuć», — adznačyŭ jon.
Jon padkreśliŭ, što ŭłady abaviazanyja abaranić ludziej.
«Ludzi stamilisia, ludzi zrazumieli, što takoje žyć u spakojnym horadzie-hieroi Minsku, a što takoje, kali bambiać vulicy, kali na bałkony zakidvajuć kaktejli Mołatava i inšyja, pakul pietardy. Nie daj boh pačnuć kidać hranaty. Užo vakoł našaj krainy sfarmiravalisia hrupoŭki, jakija hatovyja siudy pryjści i raspalić hety pažar. My hetaha dapuścić nie možam. Ja heta kažu prama i nie źbirajusia nikoha zakałychvać», — reziumavaŭ Alaksandr Łukašenka.
Ciapier čytajuć
Siastra kryminalnika z mahiloŭskaj turmy aburyłasia stanam brata. I tut pačałosia3
Kamientary