Pavieł Sieviaryniec napisaŭ žoncy list. Jon paviedamiŭ, što pahaliŭsia nałysa
Pavieł znachodzicca za kratami z 7 červienia. Jon byŭ zatrymany paśla pikieta na Kamaroŭcy. Pavodle administracyjnych pratakołaŭ adsiedzieŭ 75 sutak na Akreścina (pa 15 sutak za roznyja akcyi — udzieł i zaklik da ŭdziełu).
21 žniŭnia jon pavinien byŭ vyjści na svabodu, ale stała viadoma, što suprać jaho zaviedziena kryminalnaja sprava. Sieviarynca pieraviali ŭ SIZA na Vaładarskaha
Dniami dasłaŭ žoncy Volzie list:
«Heta ž słovami niemahčyma apisać, jakoje ščaście))) Vierycie, ja jaho ŭžo sto razoŭ pieračytała. Piša, što zhaliŭ svaju šykoŭnuju baradu i pahaliŭsia nałysa. Jamu addali knihi i haziety ź pieradač na Akreścina. Šmat piša. Molicca. Voś dumaju, kali ŭ kaho nieparazumieńni ci kłopaty ŭ siamji, to ŭ mianie jość recept. Prosta ŭjavicie, što vaša kachańnie na ŭsio leta pasadzili ŭ karcar, a paśla ŭ apošni dzień pierad vyzvaleńniem zabrali na niavyznačany termin — usie prablemy jak rukoj zdymaje. Ale, kab vy nie dumali — adčuvańnie, što ŭsio budzie dobra, mianie nie pakidaje», — napisała Volha ŭ fejsbuku.
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary