Niekalki tysiač demanstrantaŭ mitynhavali na płoščy Niezaležnaści. Zatrymali bolš za 200 čałaviek
Siońnia ŭ centry Minska znoŭ pačali źbiracca pratestoŭcy.
Da prysutnych na płoščy Svabody ludziej vyjšli siłaviki i zaklikali prysutnych razyścisia. Niekalki tysiač demanstrantaŭ rušyli ad płoščy Svabody ŭ kirunku płoščy Niezaležnaści.
Raniej na Płoščy Svabody kala 20 žurnalistaŭ pasadzili ŭ mikraaŭtobus i pavieźli ŭ nieviadomym kirunku nibyta dla pravierki dakumientaŭ.
Paśla taho, jak udzielniki akcyi dajšli da Čyrvonaha kaścioła, siłaviki pierastali puskać viernikaŭ (u tym liku tych, chto ŭ akcyi nie ŭdzielničaŭ) u kaścioł.
La Čyrvonaha kaścioła sabralisia kala 2 tysiač čałaviek. Na terytoryi jość milicyja i AMAP.
Na Płošču vybiehli siłaviki, ludzi častkova pačali razychodzicca.
U 19:20 siłaviki ačapili płošču Niezaležnaści i nie vypuskajuć ludziej. U akružeńnie trapili kala tysiačy ludziej. Niekatorych mužčyn zatrymali, u tym liku žurnalistaŭ. Charakterna, što rasijskich prapahandystaŭ z RT adpuskajuć na miescy.
Z natoŭpu pa adnym spakojna vyvodziać chłopcaŭ i viaduć u aŭtazak. Astatnija stajać, siłaviki pieryjadyčna pierahrupoŭvajucca. Karespandent «Našaj Nivy» aceńvaje kolkaść zatrymanych u sotni.
Čytajcie taksama: Na płoščy Niezaležnaści zatrymali bolš za 150 čałaviek. Zatrymańni, pieratrusy i sudy praciahvajucca i ŭ inšych haradach
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary