Łukašenka: My pierachapili razmovu Varšavy i Bierlina. Nijakaha atručvańnia Navalnaha nie było
Alaksandr Łukašenka paviedamiŭ premjer-ministru Rasii Michaiłu Mišuścinu ab pierachopie razmovy Varšavy i Bierlina, u jakim havorka išła pra Alaksieja Navalnaha, piša ria.ru.
Pa słovach Łukašenki, zajavy kanclera Niamieččyny — falsifikacyja.
«Ja zaŭvažyŭ, nazirajučy za rasijskimi padziejami, u ich — Zachada — novaja fiška źjaviłasia. Znoŭ «Navičok», znoŭ atručvańnie.
Tak ja vam pavinien skazać, što ŭčora ci pazaŭčora, ja dakładna nie pamiataju, da vystupu Mierkiel (jana zajaviła, što jamu — Navalnamu — chacieli zakryć rot) my pierachapili razmovu. My tak razumiejem, Varšava razmaŭlaje ź Bierlinam. Dva abanienty na suviazi.
Pierachapiła naša radyjoelektronnaja vajennaja raźviedka. Pakolki tam (na zachodnich rubiažach Biełarusi) razhornutyja častki, i my, viadoma, viadziom i ŭ radyjośfiery prociborstva z nataŭcami.
I my pierachapili cikavuju razmovu, jakaja (ja vam dam pačytać jaje, my padrychtujem i nakirujem u FSB) vyrazna kaža ab tym, što heta falsifikacyja. Nijakaha atručvańnia Navalnaha nie było».
Napiaredadni ŭrad Niamieččyny paviedamiŭ, što, pavodle vynikaŭ taksikałahičnaj ekśpiertyzy, praviedzienaj u łabaratoryi bundeśviera, Navalnaha atrucili bajavym rečyvam z hrupy «Navičok» niervova-paralityčnaha dziejańnia.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary