Ukraina budzie žorstka reahavać tolki na dziejańni z boku Biełarusi, a nie na słaviesnyja abvinavačvańni. Z takoj zajavaj vystupiŭ u piatnicu ministr zamiežnych spraŭ Ukrainy Dźmitryj Kuleba, piša TASS.
«Kali ja kazaŭ, što my budziem žorstka reahavać, to mieŭ na ŭvazie, što my budziem tak reahavać na žorstkija dziejańni z boku Biełarusi, a nie na słovy», — skazaŭ ministr padčas bryfinhu.
Jak padkreśliŭ Kuleba, u Kijevie ličać, što ŭsie abvinavačvańni ab umiašańni Ukrainy ŭ spravy Biełarusi nie adpaviadajuć rečaisnaści. «Hučać niejkija fantasmaharyčnyja abvinavačvańni [va ŭdziele Ukrainy ŭ pratestach u Biełarusi]. Heta niapraŭda», — skazaŭ jon i dadaŭ, što»vielmi kryŭdna čuć abvinavačvańni ŭ tym, što Ukraina nie robić».
Kuleba dadaŭ, što «Ukraina nie stała vyklikać ambasadara [Biełarusi], a abmiežavałasia kamientarom MZS» u suviazi z zajavami biełaruskaha boku ab udziele ŭkraincaŭ u destabilizacyi situacyi ŭ Respublicy. «Na kožnaje zajavu budzie adkaz słaviesny, a na kožnaje dziejańnie budzie adkaz dziejańniami», — skazaŭ jon.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary