Ministr Chrenin u Maskvie: Roznyja destruktyŭnyja siły raspačali sproby źmieny ŭłady ŭ Biełarusi
U Maskvie 4 vieraśnia prajšło sumiesnaje pasiadžeńnie ministraŭ abarony dziaržaŭ-udzielnic SND, dziaržaŭ-členaŭ ŠAS i dziaržaŭ — členaŭ ADKB. Na im vystupiŭ i ministr abarony Biełarusi Viktar Chrenin, piša Tut.by.
— Roznyja destruktyŭnyja siły, padahravanyja kiraŭnictvam takich dziaržaŭ, jak Polšča, Litva, Čechija i Ukraina (napiaredadni hety śpis krain ahučyŭ Alaksandr Łukašenka), raspačali sproby niekanstytucyjnaj źmieny ŭłady. Dziakujučy suładnym dziejańniam orhanaŭ dziaržaŭnaha kiravańnia i padtrymcy biełaruskim narodam rašeńniaŭ prezidenta Respubliki Biełaruś udałosia vyratavać krainu ad biezzakońnia i samavolstva, — zajaviŭ Chrenin.
Jon taksama vykazaŭ słovy ŭdziačnaści vajenna-palityčnamu kiraŭnictvu Rasii i Kitaja, a taksama inšym dziaržavam, jakija prysutničali na sumiesnym pasiadžeńni i akazali dapamohu Biełarusi «ŭ niaprosty dla jaje čas».
Na dumku ministra abarony Biełarusi, «peŭnyja siły na Zachadzie paśla niaŭdałaj sproby arhanizacyi «kalarovaj revalucyi» pierajšli faktyčna da formaŭ i mietadaŭ viadzieńnia hibrydnaj vajny suprać biełaruskaj dziaržavy, užyvajučy pry hetym biesprecedentnyja miery dypłamatyčnaha i palityka-ekanamičnaha cisku».
— Siońnia idzie žorstkaja baraćba za zavajovu infarmacyjnaj pieravahi, — dadaŭ jon.
U svaim vystupie Viktar Chrenin taksama adznačyŭ, što hrupoŭka ŭ NATO ŭ susiednich ź Biełaruśsiu krainach za apošnija 10 hadoŭ vyrasła ŭ 17 razoŭ, a kolkaść vajskovych vučeńniaŭ u hetych krainach — u 5 razoŭ.
Za što Viktar Chrenin dziakavaŭ kiraŭnictvu Rasii — možna vykazać zdahadku. Nahadajem, 27 žniŭnia prezident Rasii Uładzimir Pucin zajaviŭ, što Maskva na prośbu Łukašenki sfarmavała rezierv z supracoŭnikaŭ pravaachoŭnych orhanaŭ dla dapamohi Biełarusi. Za što ministr abarony dziakavaŭ kiraŭnictvu Kitaja, nieviadoma.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary