«Kazać praŭdu, navat jaje častku, nielha». Z bresckaha telekanała zvolniłasia žurnalistka
Z bresckaha telekanała «Buh-TB» 4 vieraśnia zvolniłasia karespandentka Mirasłava Kavalenka, jana pracavała na kanale z 2014 hoda.
«Siońnia aficyjna moj apošni pracoŭny dzień na pasadzie karespandenta telekampanii «Buh-TB». Vyrašyła syści pa ŭłasnym žadańni, tamu što dla mianie «maŭčać=chłusić», — napisała jana ŭ svaim Instagram.
«Pra apošnija palityčnyja padziei ŭ krainie ja paśpieła vydać u efir adzin siužet, jaki dla miascovaha TB atrymaŭ rezanans, chaj i nievialiki. Paśla hetaha kiraŭnictva jasna dało zrazumieć: bolš padobnaha być nie pavinna. Kazać usiu praŭdu nielha, navat jaje častku, — i heta realii siońniašniaj biełaruskaj žurnalistyki. Ale šmat chto z žurnalistaŭ zabylisia, što nielha siońnia napałovu być sumlennym, napałovu supieražyvać i być napałovu čałaviekam. Sychodžu sa spakojnym sumleńniem i vieraj u spraviadlivaść. Sychodžu z prafiesii nazusim, pakul niešta nie źmienicca», — dadała byłaja karespandentka.
Žurnalisty pačali zvalniacca jašče da vybaraŭ, a paśla vybaraŭ i razhonaŭ pratestaŭ zvalnieńni stali masavymi.
Ź inšaha bresckaha telekanała «TRK-Brest» užo syšli dvoje televiadučych: Dzianis Lipkin i Arciom Brujło. Pieršy ź ich — paśla 18 hadoŭ pracy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary