Andrej Švied, jaki da hetaha času ŭznačalvaŭ Dziaržaŭny kamitet sudovych ekśpiertyz, pryznačany hienieralnym prakuroram Biełarusi, piša BiełTA.
«Napeŭna, heta naturalny praces (kadravyja pryznačeńni) paśla vybaraŭ. Jak u luboj dziaržavie. Asnoŭny kaściak, va ŭradzie asabliva, my sfarmavali da vybaraŭ, kab ludzi bačyli, z kim prezident płanuje pracavać paśla vybaraŭ. Nu i naturalna, jak heta pryniata kazać, peŭnaja davodka zaŭsiody isnuje paśla vybaraŭ», — adznačyŭ kiraŭnik dziaržavy.
Jon adznačyŭ, što Alaksandr Kaniuk pracavaŭ na pasadzie hienieralnaha prakurora 9 hadoŭ. «Bolš taho, čałaviek nadziejny, dziaržaŭny, čałaviek vajenny, prajšoŭ Afhanistan, my heta viedajem. Viedaje zamiežnyja movy. U jaho jość žadańnie papracavać na dypłamatyčnaj słužbie. Ja nie piareču suprać takoha žadańnia. Treba źviazacca ź ministram zamiežnych spraŭ i paprasić jaho padrychtavać svaje prapanovy», — skazaŭ Alaksandr Łukašenka.
Chto taki Andrej Švied?
Naradziŭsia ŭ 1973 hodzie ŭ Lelčyckim rajonie. Skončyŭ jurfak BDU (1996). Pracavaŭ u prakuratury Minska (1996-1998), hienieralnaj prakuratury (1998-2006). Byŭ načalnikam ekśpiertna-pravavoha adździeła Rady biaśpieki. U 2010-2011 — namieśnik hienieralnaha prakurora. Paśla byŭ namieśnikam staršyni ŭ navastvoranym Śledčym kamitecie. Ad 2013 hoda byŭ pieršym kiraŭnikom Kamiteta sudovych ekśpiertyz.
Andrej Švied byŭ kiraŭnikom apieratyŭnaj śledčaj hrupy pa rasśledavańni terakta ŭ mietro 2011 hoda.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary