Siońnia na Smarhoŭskim trakcie, 1 [adzin z damoŭ u «Dvary pieramien»], vyratavali dziaŭčynu, jakaja stajała za aharodžaj bałkona na 20-m paviersie i kryčała, što saskočyć, piša TUT.by.
Vidavočca Vadzim žyvie nasuprać, jon raspavioŭ, što ŭ 9:09 patelefanavaŭ u 102, pačaŭ apisvać toje, što adbyvajecca, i zaŭvažyŭ, što pa vierchnich pavierchach ŭžo padymajucca dvoje siłavikoŭ u kaskach i poŭnym abmundziravańni.
![](http://nnexpictures.fra1.digitaloceanspaces.com/img/w732d4webp1/photos/z_2020_09/photo5422802756080610863-q16n8.jpg.webp)
Vadzim raskazvaje, kala 9:20 pryjechali supracoŭniki MNS.
— Kali pačali nadzimać padušku («kub žyćcia»), dziaŭčyna adciahnuła ŭvahu, i jaje zmahli zaciahnuć na bałkon. Heta było prykładna ŭ 9:21. Supracoŭniki ź joj da hetaha razmaŭlali, mnie padałosia, što jana płakała.
U MNS paćvierdzili, što ratavalniki vyjazdžali pa vykliku na Smarhoŭski trakt, 1.
— Vyjazdžali, ale naša dapamoha nie spatrebiłasia, supracoŭniki milicyi zaciahnuli jaje ŭnutr, — paviedamiła aficyjny pradstaŭnik MNS pa Minsku Volha Mielčanka.
Kamientary