Alaksandr Łukašenka ličyć, što ŭ biełaruskich VNU treba źviarnuć uvahu na vychavaŭčy praces. Pra heta kiraŭnik dziaržavy zajaviŭ siońnia, dajučy zhodu na pryznačeńnie rektaraŭ ŭ Akademiju kiravańnia pry prezidencie i miedycynskija VNU, pieradaje BIEŁTA.
«My dajom bliskučuju adukacyju. Našy śpiecyjalisty, jakija atrymali adukacyju ŭ Biełarusi, ceniacca va ŭsim śviecie. My zaŭsiody achajem i ochajem, i navat naša tak zvanaja apazicyja płačacca, što ŭ nas ŭciečka rozumaŭ. Tak što, durniaŭ biaruć za miažu? Nie, uciečka rozumaŭ. Značyć, hetyja rozumy jość. Značyć, adukacyju dobruju atrymali i chtości jedzie pracavać za miažu», — zaŭvažyŭ Alaksandr Łukašenka.
U toj ža čas, źviarnuŭ jon uvahu, apošnija niekalki hadoŭ nazirajecca advarotny praces: u Biełaruś viartajucca ludzi, jakija kaliści źjechali žyć i pracavać u inšyja krainy. «U našym śviecie naŭrad ci kahości ŭtrymaješ siońnia. Utrymlivać treba razumna, kab ludzi šanavali hetuju ziamlu. A Akademija kiravańnia — tam naohuł myš nie pavinna prapaŭźci, tam pavinny być patryjatyčnyja i addanyja dziaržavie i narodu ludzi. Ja admysłova paprasiŭ, kab humanitaryj uznačalvaŭ hetuju VNU. Nam vielmi nie chapaje patryjatyzmu ŭ našych ludziach», — ličyć jon.
Kiraŭnik dziaržavy adznačyŭ, što heta aktualna i dla miedycynskich VNU, bo jany «zacyklenyja na svajoj kankretnaj spravie». «I heta pravilna. Ja taksama byŭ prychilnikam, kab, hruba kažučy, historyju KPSS čatyry hady zapar nie vyvučali i nie zdavali ekzamieny.
Ale kali my ŭžo pieršy-druhi siemiestr prachodzim historyju abo na druhim kursie jašče vyvučajem historyju Biełarusi, hety kurs treba vykładać jak śled», — padkreśliŭ jon.
Kamientary