Alaksandr Łukašenka zajaviŭ siońnia, dajučy zhodu na pryznačeńnie Siarhieja Nikifaroviča hienieralnym dyrektaram BIEŁAZa, piša BiełTA.
Łukašenka adznačyŭ, što dziaržava zaŭsiody budzie padtrymlivać heta pradpryjemstva, bo heta biełaruski brend i zdabytak, jak i mnohija inšyja zavody. Jon zajaviŭ, što va ŭhodu «šarłatanam z-za miažy» ŭ Biełarusi nie buduć pryvatyzavać usio i ŭsia.
«Čamu ja tak staŭlusia da pradpryjemstvaŭ? Nie tamu što ja nie razumieju, što pryvatnaja ŭłasnaść pavinna i moža isnavać, — skazaŭ jon. — My vypracavali žorstki imunitet da niespraviadlivaści. Nidzie, ni ŭ jakoj krainie nie było spraviadlivaj pryvatyzacyi. Kali my chočam u hety vir akunuć našu krainu i 10 miljonaŭ nasielnictva i potym chadzić achać i vochkać, zrazumieŭšy, što nie tudy zajšli, — heta ŭžo bieź mianie i, upeŭnieny, biez vas».
Kamientary