«My źviartajemsia da mižnarodnaj hramadckaści z zaklikam nie pryznavać lehitymnaści Łukašenki, bo jon nielehitymny ŭ vačach biełaruskaha naroda. Našy hałasy na hetych vybarach skrali», — skazała Cichanoŭskaja ŭ paniadziełak na bryfinhu sa staršynioj Jeŭraparłamienta Davidam Sasoli.
«My sprabujem razabracca sami, ale my bačym, što Łukašenka nie choča iści na dyjałoh, pra jaki my prosim. U hety momant vielmi važnaja lubaja padtrymka ad jeŭrapiejskich krain i inšych susiednich krain», — dadała Cichanoŭskaja, vykazaŭšy padziaku za pryniaćcie Jeŭraparłamientam rezalucyi ŭ padtrymku baraćby biełaruskaha naroda.
Sasoli, u svaju čarhu, vykazaŭ mierkavańnie, što «pieradača ŭłady — heta adziny mirny varyjant vyrašeńnia prablemy ŭ Biełarusi», piša «Interfaks».