Kali mienčuki praz sacyjalnyja sietki źbiralisia na dabračynny «Zabieh svabodnych», płanavali: prabiahuć u Parku družby narodaŭ 5 km, a tyja, chto zachoča, pakinuć hrošy dla Fondu salidarnaści. Atrymałasia ŭsio inakš: u prabiežcy «paŭdzielničali» siłaviki i z 35 biehunoŭ zatrymali, pa słovach vidavočcaŭ, dvaich, raskazvaje TUT.BY.
Start byŭ pryznačany ŭ Parku družby narodaŭ na skryžavańni Bahdanoviča i Kulmana ŭ 10:40. Kolki ludziej pryjdzie, zahadzia nichto nie viedaje. Chto ŭsio prydumaŭ, taksama.
Pa vyniku sabrałasia krychu bolš za sorak čałaviek: biehuny i tyja, chto pryjšoŭ ich padtrymać. Miarkujučy pa majkach, šmat siarod ich było ŭdzielnikaŭ paŭmarafonaŭ roznych hadoŭ i minskich biehavych kłubaŭ, bolšaść — daśviedčanyja biehuny. Pieršaje koła ŭdzielniki dabiahajuć u poŭnym składzie. Tyja, kamu 2,5 km biehu dajucca ź ciažkaściu, pavoli schodziać z dystancyi addychacca.
Druhoje koła davodzicca skončyć raniej: tyja, chto viartajecca z parku da finišu, paviedamlajuć, što pačalisia zatrymańni.
Pa słovach tych, chto byŭ pobač, zatrymlivać stali prykładna na 3 km. Siłaviki ŭ aliŭkavaj formie i maskach niekatory čas biehli za ŭdzielnikami praz park. Udzielniki kinulisia ŭrassypnuju — i praz park viarnulisia da finišu.
Dahnali i zatrymali, vierahodna, dvaich chłopcaŭ. Zdajecca, vybrali tych, chto byŭ z bčb-ściahami na plačach. «Heta ž prabiežka! Nie było ni płakataŭ, ni krykaŭ», — skardziacca adno adnamu biehuny. I vyrašajuć: lepš razyścisia. Tamu što, choć zabieh i skončyŭsia, u biaśpiecy siabie nichto nie adčuvaje.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary