«Lubyja ŚMI majuć prava vykazvać svoj punkt hledžańnia». Mininfarm nie pakaraje BT za fejk pra mitynh u Žłobinie
21 žniŭnia ŭ «Panaramie» na BT-1 pakazali hruba zmantavany siužet ź mitynhu ŭ Žłobinie. U im ludzi nibyta kryčali «Sychodź!» Maryi Kaleśnikavaj. Nasamreč natoŭp skandavaŭ «Łukašenka, sychodź!». A vajenny kamisar Andrej Kryvanosaŭ ź miehafonam sprabavaŭ sarvać vystup.
Niekalki hledačoŭ nakiravali zvarot u Mininfarm z hetaj nahody. Paskardzilisia, što BT pradstaviła łžyvy zmanciravany rolik i paprasili vynieści telekanału aficyjnaje papiaredžańnie.
Adkaz na hety zvarot akazaŭsia ŭ rasparadžeńni «Našaj Nivy». Voś što ŭ im napisana:
«Na dumku redakcyi teleprahramy «Biełaruś 1», va ŭkazanym vami videaroliku mužčyna ź miehafonam u rukach i ludzi, jakija stajać pobač, kryčać «Sychodź!» u adras tych, chto parušaje normu KaAP (majecca na ŭvazie artykuł 23.34 ab praviadzieńni masavych mierapryjemstvaŭ. — «NN»).
Paviedamlajem, što luby srodak masavaj infarmacyi maje prava vykazvać svoj punkt hledžańnia pa kankretnaj situacyi, vykonvajučy pry hetym patrabavańnie dziejučaha zakanadaŭstva».
Mininfarm dadała, što nie maje dakładnaj infarmacyi pra toje, što nasamreč adbyvałasia padčas zdymki. I admoviłasia prymać miery reahavańnia ŭ dačynieńni da Biełteleradyjokampanii.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary