U mahiloŭskich škołach prachodziać «pravavyja ŭroki», dzie školnikaŭ ahitujuć nie chadzić na mitynhi
Čytačy mogilev.online dasłali ŭ redakcyju aŭdyjozapis. Na im zavuč pa vychavaŭčaj rabocie adnoj sa škoł Mahilova pravodzić sa staršakłaśnikami tak zvany «pravavy ŭrok». Nastaŭnik raspaviadaje školnikam pra efiekt natoŭpu i zaklikaje razmovy pra palityku «pakinuć z baćkami na kuchni».
— Vučni 4 kłasa pabilisia z-za taho, što ŭ adnaho tata pad zialonym ściaham, a ŭ inšaha pad biełym, — raskazvaje nastaŭnik.
Taksama jana raspaviadaje pra toje, jak na adnym ź mitynhaŭ čuła abrazu ad pratestoŭcaŭ na adras minakoŭ.
— Davajcie palityku pakiniem za dźviaryma škoły, pabudźcie dziećmi. A siońnia budziem atrymlivać asałodu ad svajoj vučoby, prymnažać viedy, — zaklikała piedahoh.
Paviedamlajecca, što dla praviadzieńnia «pravavoj hutarki» admysłova byli zaprošanyja ideołahi ź Minska. Urok pravodziŭsia 24 vieraśnia dla navučencaŭ 10-11 kłasaŭ adnoj z mahiloŭskich škoł, numar jakoj paprasili nie nazyvać, kab nie było niepryjemnaściaŭ dla piedahohaŭ i navučencaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary