Pra heta zajaviŭ pres-sakratar MZS Biełarusi Anatol Hłaz u adkaz na prośbu žurnalistaŭ prakamientavać vykazvańni kiraŭnika MZS Ukrainy Dźmitryja Kuleby. Adkaz źmieščany na sajcie biełaruskaha zamiežnapalityčnaha viedamstva
«Apošnija zajavy ministra zamiežnych spraŭ Ukrainy Dźmitryja Kuleby, jaho volnyja i niepavažlivyja razvahi na temu lehitymnaści biełaruskaha kiraŭnictva bolš padobnyja nie na dypłamatyju, a na ŭdzieł u konkursie na samyja chvostkija, choć i pustyja pa svaim źmieście fihury maŭleńnia.
Napeŭna, vielmi chočacca dahnać ci navat apiaredzić zaŭziatych udzielnikaŭ hetaha šou ź niekatorych inšych susiednich krain z nadziejaj na vysokuju acenku z boku jaho režysioraŭ i žury. Pry hetym nie pakidaje adčuvańnie, što žadańnie luboj canoj apynucca na scenie zaciamniła ŭ vystupoŭcaŭ ŭsie astatnija pačućci, uklučajučy realnaść usprymańnia navakolnaha śvietu.
Vynikam hetaha «spabornictva» ŭ krasamoŭstvie buduć ŭžo nie pryzy, na jakija tak raźličvajuć ŭdzielniki. Naadvarot, vynik budzie sumny», — adznačyŭ Anatol Hłaz.
«Kali surjozna, słuchajučy ŭsie hetyja biezadkaznyja vykazvańni, usurjoz zadumvaješsia pra prafiesijanalizm asobnych ukrainskich kalehaŭ. U Kijevie to staviać stasunki ź Biełaruśsiu «na paŭzu», to prapanujuć nibyta «niejtralnaje miedyjatarstva», admaŭlajučy pieršapačatkova lubuju mahčymaść dyjałohu ź dziejučaj lehitymnaj uładaj. Choć sami prapanovy «niejtralnaha miediaytarstva» ad vajujučaj Ukrainy vyklikajuć prynamsi iraničnuju ŭśmiešku», — vykazaŭsia Anatol Hłaz.
«Na žal, biaskoncy patok rezkich zajaŭ ukrainskich palitykaŭ, uklučajučy Ministra zamiežnych spraŭ, staŭ dla nas surjoznaj padstavaj dla abjektyŭnych sumnieńniaŭ u ščyraści ich zajaŭ ab družbie. Biełaruś nastrojena na zachavańnie i raźvićcio dobrasusiedskich adnosin z Ukrainaj. Apošnija vykazvańni pradstaŭnikoŭ aficyjnaha Kijeva ŭžo pryviali da vostraha deficytu davieru da ŭkrainskich kaleh. A heta moža nanieści adčuvalnuju škodu dla ŭsiaho biełaruska-ŭkrainskaha supracoŭnictva. Ci razumiejuć heta ŭ Kijevie?» — zaznačyŭ Anatol Hłaz.
«Raźličvajem usio ž taki, što Ukraina ŭ vybudoŭvańni adnosin ź Biełaruśsiu budzie zychodzić z ułasnych nacyjanalnych intaresaŭ, a nie iluzornych i naviazanych zvonku. Zmoža vyzvalicca ad «zadušlivych abdymkaŭ» svaich zachodnich partnioraŭ. Pakul jašče praciahvajem vieryć u toje, što kiraŭnictva ŭkrainskaha źniešniepalityčnaha viedamstva zmoža adekvatna acanić i ŭśviadomić pamyłkovaść ciapierašniaj linii ŭ adnosinach ź Biełaruśsiu. Znojdzie ŭ sabie siły dziejničać na karyść mienavita svajoj krainy. Zapeŭnivajem, što Biełaruś budzie ćviorda i niepachisna adstojvać svaje suvierenitet, niezaležnaść i nacyjanalnyja intaresy. Biessensoŭna razmaŭlać z nami na movie abraz, pahroz i sankcyj. Praduktyŭnym moža być tolki ŭzajemapavažlivy dyjałoh, i my da jaho hatovyja», — reziumavaŭ Anatol Hłaz.
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka14
Kamientary