Na 13-aj mižnarodnaj vystavie «ŚMI ŭ Biełarusi», što adčyniŭsia siońnia ŭ paviljonie «Biełekspa» (Kupały, 27) arhanizatary sprabujuć davieści, što časy źmianilisia: sučasnyja biełarusy mohuć čytać, što chočuć jany. Choš SB, a choš NH. A voś NN, NV — heta niešta-niejkaje nieviadomaje na ŭzroŭnie šumierskich bukvicaŭ.
U dziacinstvie baćki dahodliva praciahvali nam «Viasiołku», u małodšych kłasach u masavym paradku nastaŭniki padpisvali nas na «Zoŕku», u kamsamolstvie — na «Znamia Junosti»... A dalej ty, darosły, možaš vybirać: «Źviazda» ci «Sovietskaja Biełoruśsija». Na 13-aj mižnarodnaj vystavie «ŚMI ŭ Biełarusi», što adčyniŭsia siońnia ŭ paviljonie «Biełekspa» (Kupały, 27) arhanizatary sprabujuć davieści, što časy źmianilisia: sučasnyja biełarusy mohuć čytać, što chočuć jany. Choš SB, a choš NH. A voś NN, NV — heta niešta-niejkaje nieviadomaje na ŭzroŭnie šumierskich bukvicaŭ.
Ich, hetych, niezaležnych, viadoma, zaprašali, ale jany sami nie chočuć, i chaj jany, niezaležnyja, tam dakazvajuć, što ich anichto nie klikaŭ. Nie chočuć jany publičnaści.
Tak ci inakš, fakt zastajecca faktam: tyja vydańni, što raz-poraz paviedamlajuć pra toje, što ŭ hetaj krainie chočacca žyć i pracavać, ale nie kožny dzień, pradstaŭlenyja nie byli. Usio astatniaje na vystavačnych stendach naŭprost vynikała z hetaha fakta: sucelny Mirtrudmaj, TASS upaŭnavažany zajavić i viečnaja družba narodaŭ u šmatlikich jaje prajavach.
Jašče na vystavie ŚMI było šmat čaho cikava-vajenizavanaha. Pa paviljonie i prylehłych terytoryjach pachadžvali siarednieviečnyja vajary ŭ sabalinych šapkach poruč z reliktavymi milicyjantami ŭ parciankach navonki i ŭ nie standartnych, padobnych da tych, jakija nosiać anhielskija Bobi, šałomach. Na stendzie «Biełaruskaja presa ŭ čas vajny» ad nadrukavanych Stalinych strakacieła ŭvačču.
Z pryjemna-miralubnaha: na stendzie «Źviazdy» možna było atrymać simpatyčnyja płakaciki na 2008-2009 hod z vyjavaj Mirskaha zamka, jakija źviazdoŭcy pa adnamu dastavali z-pad pryłaŭka, a «Viasiołka» traktavała kišennymi kalarovymi zakładkami kalandaryki, jakija kranalna prapanoŭvali naviednikam maleńkija dziaŭčatki.
Vystava «ŚMI ŭ Biełarusi» praciahniecca da 8 traŭnia.
Kamientary