Stychijnyja akcyi pratestu pačalisia ŭviečary ŭ niadzielu i ŭ noč na paniadziełak u roznych rajonach Minska.
U łancuhi salidarnaści stali Čkałaŭski, Łošyca, Kaskad, Šabany-Traścianiec, Uručča, Ślapianka, Michałova.
U centry Minska ludzi vyjšli da Fiłarmonii i na Stełu.
Na niekatorych vulicach pratestoŭcy pierakryli ruch transpartu. Naprykład, u rajonie Zialony Łuh niekalki dziasiatkaŭ čałaviek sa ściahami pierakryli Łahojski trakt, žychary vulicy Anharskaj spynili ruch na MKAD.
Na vulicy Prytyckaha, kala «Kamiennaj Horki», taksama pierakryvali prajeznuju častku. U Sierabrancy na skryžavańni praśpiekta Rakasoŭskaha i vulicy Plachanava pratestoŭcy pierakryli ruch łavami, palili pakryški.
Taksama pratestoŭcy pierakryvali praśpiekt Dziaržynskaha. Siłaviki razhaniali pratestoŭcaŭ, byli čutnyja huki strełaŭ.
U rajonie handlovaha centra «Ryha» na vulicy Surhanava, dzie stajaŭ łancuh salidarnaści, byli čutnyja huki, padobnyja na streły, i vybuchi śvietłašumavych hranat.
Ludzi vyjšli na viečarovyja akcyi ŭ znak pratestu suprać masavych zatrymańniaŭ 11 kastryčnika. Pavodle źviestak pravaabaroncaŭ, lik zatrymanych udzielnikaŭ mirnaj akcyi pratestu ŭ niadzielu nabližajecca da 600 čałaviek.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary