Palityčnaja źniavolenaja zamalavała detali pobytu ŭ baranavickim izalatary №6 FOTY
![](http://nashaniva.com/img/w732d4webp1/photos/z_2020_10/4-5de3o.jpg.webp)
Vypusknica mastackaj vučelni Viktoryja Bahdanovič atrymała 15 sutak za ŭdzieł u adnym z žanočych maršaŭ.
Jana niekalki dzion pabyła na Akreścina, a potym siadzieła ŭ Baranavičach.
U kamiery ŭ jaje akazaŭsia nabor dla malavańnia, jana zanatavała toje-siejo i vyrašyła apublikavać niekatoryja karcinki ŭ «Našaj Nivie». Pryvodzim z kamientaryjami.
![](http://nashaniva.com/img/w732d4webp1/photos/z_2020_10/1-bkm3j.jpg.webp)
«Adzinaje, što mnie dali ŭ kamieru z maich asabistych rečaŭ, heta bukiet vałošak, jaki šalony mužyk u bałakłavie špulnuŭ u mianie, pakul ja stajała u «stakanie». Kali nas viali ŭ kamieru, inšy supracoŭnik, nazvaŭšy majo proźvišča — Bahdanovič, — skazaŭ, što jano vielmi simvaličnaje. Nie mahła nie skazać jamu pra «Ćviatok Radzimy vasilka». A ŭ kamiery było nievierahodnaje spałučeńnie koleraŭ: sinija vałoški, łožki, i vałasy sukamiernicy Śviety. Vałoški ćvili i raspuskalisia 5 dzion, i tryvali b dalej, kali b u Baranavičach ich nie adabrali».
![](http://nashaniva.com/img/w732d4webp1/photos/z_2020_10/photo_2020-10-13_17-29-05-olvd0.jpg.webp)
«Pieršy momant, kali stała dakładna nie śmiešna. Uviečary nas z RAUSa pavieźli na Akreścina, jak zvyčajna, u bus pchali bolš ludziej, čym patrebna. A kali pryjechali, my prosta biaskonca stajali tvaram da ściany. Jany pryvozili novych dziaŭčat ź inšych RAUSaŭ, i ich čamuści zapuskali chutčej. Na nas łajalisia, pramyvali mazhi, prynižali. Ale my ŭsie adno sprabavali ź imi razmaŭlać, žartavali, padtrymlivali adno adnaho. Ja navat śpiavała, praŭda, mianie chutka zatknuli».
![](http://nashaniva.com/img/w732d4webp1/photos/z_2020_10/2-wwtjp.jpg.webp)
«Niepieradavalnaje pačućcio, kali na brutalnych, ablezłych, šurpatych, mietaličnych rašotkach sušacca dziavočyja karunkavyja majtki. A potym prychodzić «Načalnik».
«Praz toje, što dahistaryčnaja kanalizacyja nie ŭtrymlivała naporu matylkoŭ, katoryja vylatajuć z žyvocikaŭ 17 dziaŭčynak, nam nieadnarazova prychodziłasia prasić «načalnikaŭ» prynosić nam vantuz. A jašče ŭ nas byŭ abrad: kožnaja dziaŭčynka, kali «adkidvajecca», pavinna pamyć prybiralniu zubnoj ščotkaj».
![](http://nashaniva.com/img/w732d4webp1/photos/z_2020_10/3-8rcnr.jpg.webp)
«Nie viedaju, što tut napisać. Aholenyja rasparanyja dziaŭčynki ŭ interjery nie koleru chlebnaha miakiša, heta, pa-pieršaje, pryhoža».
![](http://nashaniva.com/img/w732d4webp1/photos/z_2020_10/21-k8eut.jpg.webp)
«Trochvuholnaja kamiera ŭ kucie biaskonca sačyła za nami, ja adčuvała siabie małpaj u zaaparku, albo ŭdzielnicaj vielmi tannaha trešovaha tok-šou. Supracoŭniki pastajanna kazali, što im cikava i śmiešna na nas hladzieć».
![](http://nashaniva.com/img/w732d4webp1/photos/z_2020_10/18-9epzy.jpg.webp)
«Pryśviačaju hetuju vyjavu usim adekvatnym supracoŭnikam IČU i DVP».
![](http://nashaniva.com/img/w732d4webp1/photos/z_2020_10/10-9t28s.jpg.webp)
«U nas atrymaŭsia niadrenny matryjarchat. My raspracavali sistemu sarciroŭki pieradač, u nas usio było ahulnym. Navat pachod ŭ duš byŭ ahulnym. I hiel dla duša, bo ŭ kahości byŭ smačniejšy pach. Taksama byli momanty, kali ja adčuvała siabie by ŭ dziavočym łahiery».
Kamientary