Advakata Juliju Levančuk pazbavili licenzii. Takoje rašeńnie 15 kastryčnika pryniała kvalifikacyjnaja kamisija pa pytańniach advakackaj dziejnaści pry Ministerstvie justycyi, piša Tut.by
Pasiadžeńnie kamisii doŭžyłasia kala dźviuch hadzin. Vynik — pazbaŭleńnie licenzii.
— Kamisija spyniła dziejańnie majoj advakackaj licenzii. Z rašeńniem ja nie zhodnaja, płanuju abskardzić jaho ŭ sudovym paradku. Da suda ja jašče budu źjaŭlacca členam Bresckaj abłasnoj kalehii advakataŭ — raspaviała TUT.BY Levančuk.
Pryčynaj razhladu pytańnia ab spynieńni dziejańnia licenzii na kamisii stała asabistaja pierapiska advakata ź siabroŭkaj.
— Da momantu razhladu spravy ŭ sudzie ja nie chacieła b dzialicca padrabiaznaściami, usio ž taki heta ŭ dalejšym budzie pradmietam sudovaha razboru. Mahu skazać tolki, što pryčynaj stała asabistaja pierapiska, — patłumačyła Levančuk.
Julija Levančuk — advakat Maksima Charošyna, uładalnika kvietkavaj kramy, źbitaha na dniach.
Akramia Levančuk, siońnia kvalifikacyjnaja kamisija razhledzić pytańnie ab spynieńni dziejańnia licenzii advakata Viktara Babaryki i Maryi Kaleśnikavaj Alaksandra Pylčanki.
