Alaksandr Łukašenka dakładna budzie ŭklučany ŭ budučy sankcyjny śpis pa Biełarusi, ale terminaŭ źjaŭleńnia hetaha śpisa pakul nazvać nielha, zajaviŭ «Interfaksu» ŭ čaćvier Pieter Ctana, aficyjny pradstaŭnik kiraŭnika dypłamatyi ES Žazepa Barela.
«Tak, Łukašenka ŭvojdzie ŭ novy śpis, i pra heta kazaŭ vysoki pradstaŭnik ES pa zamiežnych spravach na jaho pres-kanfierencyi paśla pasiadžeńnia Savieta ES na ŭzroŭni kiraŭnikoŭ MZS u paniadziełak, 12 kastryčnika», — paćvierdziŭ pres-sakratar.
Jon nahadaŭ vykazvańnie Barela na pres-kanfierencyi raniej u kastryčniku: «Siońnia ministry paćvierdzili, što spadar Łukašenka nie vałodaje nijakaj demakratyčnaj lehitymnaściu, i palityčna dali svajo «zialonaje śviatło», kab pačać padrychtoŭku nastupnaha pakieta sankcyj, jaki ŭklučyć samoha Łukašenku».
«Ale niama nijakaha dakładnaha hrafika. Nastrojeny na toje, kab druhi śpis byŭ padrychtavany vielmi chutka. Miarkuju, što havorka moža iści ad niekalkich dzion da niekalkich tydniaŭ», — patłumačyŭ Stana.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod38
Kamientary