Udzielniki pratestaŭ suprać pryniaćcia trochbakovaj zajavy ab spynieńni ahniu ŭ Nahornym Karabachu skrali z rezidencyi premjer-ministra Armienii Nikoła Pašyniana asabistyja rečy, u tym liku paśviedčańnie kiroŭcy i parfumu. Pra heta paviedamiŭ u fejsbuku sam Pašynian.
«Z rezidencyi premjera skrali kampjutar, hadzińnik, parfumu, paśviedčańnie kiroŭcy dy inšaje. Usio heta, viadoma, «u imia Radzimy», — napisaŭ Pašynian.
Raniej Armienija, Azierbajdžan i Rasija padpisali pahadnieńnie ab miry ŭ Nahornym Karabachu. U adpaviednaści z dakumientam, Armienija i Nahorny Karabach pavinny pieradać Azierbajdžanu Kielbadžarski, Ahdamski i Łačynski rajony, a taksama terytoryi, jakija ŭtrymlivajucca armianskim bokam u Hazachskim rajonie.
Tym časam prezident Armienii Armien Sarkisian zajaviŭ, što daviedaŭsia pra padpisańnie pahadnieńnia ź internetu i źbirajecca inicyjavać palityčnyja kansultacyi.
«Z presy ja daviedaŭsia taksama ab umovach spynieńnia vajny. Adnosna hetaha dakumienta sa mnoj jak z prezidentam Respubliki jakich-niebudź narad ci abmierkavańniaŭ, na žal, nie było, ni ŭ jakich pieramovach ja nie ŭdzielničaŭ.
Urehulavańnie karabachskaha kanfliktu — pytańnie ahulnanacyjanalnaha značeńnia i važnaści. Luby datyčny žyćciovych intaresaŭ biaśpieki i pravoŭ Armienii, Arcacha [Nahornaha Karabacha], usiaho armianskaha naroda krok, dziejańnie, pryniaćcie luboha rašeńnia, tym bolš, padpisańnie jakoha-niebudź dakumienta pavinna być pradmietam usiebakovych kansultacyj i abmierkavańniaŭ», — zajaviŭ Armien Sarkisian.
Ciapier čytajuć
Bližejšym časam buduć vyzvaleny bolš za 150 palitźniavolenych6
Kamientary