Składalniki Tłumačalnaha słoŭnika anhlijskaj movy Collins English Dictionary nazvali słovam 2020 hoda «lockdown» (łakdaŭn).
Składalniki słoŭnika patłumačyli svoj vybar tym, što choć vykarystańnie słova «coronavirus» (karanavirus) — inšaha vidavočnaha kandydata na zvańnie słova hoda — u 2020 hodzie vyrasła ŭ 35 000 razoŭ, našmat bolšy ŭpłyŭ na žyćcio ludziej akazała navat nie sama chvaroba, a jaje sacyjalnyja nastupstvy.
U šortliście akazalisia jašče piać słoŭ, źviazanych z pandemijaj kavida — ułasna «coronavirus», «social distancing» (sacyjalnaje dystancyjavańnie), «self-isolate» (samaizalavacca), «furlough» (vymušany apłačvalny adpačynak) i «keyworkers» (niezamiennyja supracoŭniki).
Kamientary