31-hadovy minčuk Raman Bandarenka znachodzicca ŭ vielmi ciažkim stanie ŭ balnicy. Jaho zatrymali nieviadomyja ŭviečary 11 listapada na «Płoščy pieramien»: zaciahnuli ŭ bus, advieźli ŭ RUUS, adkul dastavili ŭ balnicu ŭžo ŭ nieprytomnym stanie.
Bandarenku zrabili apieracyju, siońnia ŭ balnicy prajšoŭ kansilium. Pra jaho vyniki «Našaj Nivie» raspaviali svajaki:
«Było krovaźlićcio ŭ tyja adździeły mozhu, jakija adkazvajuć za žyćciova važnyja pracesy arhanizma. Tam była vielmi vialikaja hiematoma, pryjšłosia rabić trepanacyju čerapa, kab mozh nie cisnuŭ na čerapnuju skrynku.
Ciapier Raman u krytyčnym stanie. Šancy vyžyć aceńvajuć jak 1 z 1000.
Jamu treba rabić jašče adnu apieracyju. Ale rabić jaje ciapier, pakul Raman u takim stanie, niemahčyma. Jon jaje nie pieražyvie.
Daktary skazali, što ciapier treba prosta čakać, moža być, Ramanu ŭsio ž choć trochi palepšaje.
Byvali vypadki, kali ludzi vyžyvali paśla takoha, ale redka. Pa słovach miedykaŭ, 10 hadoŭ tamu jon by dakładna pamior, siońnia ž šancy ŭsio ž zastajucca. «My robim usio mahčymaje i navat bolš, — kažuć daktary».
Čytajcie taksama:
«Šancaŭ zusim mała». Źbity na «płoščy Pieramien» Raman Bandarenka znachodzicca ŭ balnicy ŭ komie
«Na placoŭcy była vałtuźnia, a nie bojka». Vidavočca napadu na Ramana Bandarenku raskazała padrabiaznaści incydentu
«Jon miž žyćciom i śmierciu»: miedyk rasšyfravaŭ skarot «ŠKH 4b» z vypiski źbitaha Bandarenki
