Pačynajecca nabor u pieršyja kłasy. Siem minskich škoł prapanujuć navučańnie pa-biełarusku.
Pačynajecca nabor u pieršyja kłasy. Siem minskich škoł prapanujuć navučańnie pa-biełarusku. Ich pieravaha — intelihientny padbor dziaciej, nievialikija kłasy, himnazičnyja prahramy. Vašy małyja buduć vučycca ź dziećmi dziejačoŭ kultury, biznesoŭcaŭ, daktaroŭ, navukoŭcaŭ, uradoŭcaŭ. Mienavita hetaje asiarodździe vybiraje biełaruskamoŭnyja škoły ŭ stalicy. Prapanujem padrabiaznuju infarmacyju, adrasy i kantakty.
Dziaržaŭnaja ŭstanova adukacyi «Himnazija № 4» (vuł. Kuncaŭščyna, 18)
20 traŭnia 2009 hodu a 18-j hadzinie zładzić Dzień adčynienych dźviarej dla baćkoŭ budučych pieršakłaśnikaŭ. U prahramie — prezientacyja himnazii, sustreča-znajomstva z nastaŭnikami pieršych kłasaŭ, mini-kancert dy ekskursija pa himnazii.
Dla pryjomu dziaciej u pieršy kłas ich zakonnyja pradstaŭniki padajuć zajavu na imia dyrektara himnazii i pradstaŭlajuć kopiju paśviedčańnia ab naradžeńni dziciaci;
daviedku ab stanie zdaroŭja dziciaci (forma № 026-U), pašpart baćkoŭ ci asob, što ich zamianiajuć, pradjaŭlajecca asabista.
U pieryjad z 2 pa 6 červienia 2009 h. tut pravodziacca ŭstupnyja ispyty ŭ himnaziju (5 kłasy).
Daviedka:
e-mail: gymn4.minsk.edu.by, t.315-33-83, 258-49-71, 258-49-74.
***
Himnazija № 9 (Siadych, 10) arhanizuje pryjom dakumientaŭ u 1 kłas z 01.06. pa 28.08.2009 h.
Źviartacca treba ŭ kabiniet № 22. Z saboj nieabchodna mieć: miedycynskuju kartu dziciaci; paśviedčańnie i kopiju paśviedčańnia ab naradžeńni; zajavu adnaho z zakonnych pradstaŭnikoŭ dziciaci; pašpart z prapiskaj ci vid na žycharstva adnaho z zakonnych pradstaŭnikoŭ dziciaci.
U nastupnym 2009/2010 navučalnym hodzie himnazija prapanuje: vyvučeńnie ŭsich pradmietaŭ na biełaruskaj movie; vyvučeńnie anhlijskaj, polskaj, niamieckaj moŭ na fakultatyŭnych zaniatkach; vyvučeńnie pradmietaŭ muzyčnaj nakiravanaści (chor, taniec, salfiedžyo, muzyčnaja litaratura, ihra na muzyčnych instrumientach); dadatkovyja adukacyjnyja pasłuhi pa zapytach vučniaŭ i baćkoŭ za košt fakultatyŭnych zaniatkaŭ i płatnych pasłuh.
Telefony dla daviedak:
283 04 21 — dyrektar himnazii Apalinskaja Łarysa Michajłaŭna
281 38 04 — namieśnik dyrektara pa VP Łaŭrynovič Valancina Mikałajeŭna.
Zaŭvaha:
U himnaziju prymajucca dzieci, jakija pražyvajuć u h. Minsku.
Pry adsutnaści minskaj prapiski nieabchodna ŭzhadnić pryjom dziciaci ŭ himnaziju z upraŭleńniem adukacyi administracyi Pieršamajskaha rajona h. Minska.
***
Kamisija himnazii № 23 (pr. Niezaležnaści, 45) pa pryjomu dakumientaŭ u 1 kłas pracuje pa nastupnym hrafiku: u niacotnyja dni (I źmiena) — 10.00-14.00, cotnyja dni (II źmiena) — 15.00-19.00, u pieršuju subotu červienia — 10.00-12.00. Źviartacca ŭ kab.21.
Z 11.05.2009 hodu ŭ himnazii №23 raspačaŭsia pryjom zajaŭ ad zakonnych pradstaŭnikoŭ vučniaŭ, jakija zakančvajuć 1-ju stupień ahulnaj siaredniaj adukacyi, dla dopusku da ŭstupnych ispytaŭ u 5-ja himnazičnyja kłasy.
U pieryjad z 2 pa 6 červienia hetaha navučalnaha hodu vučni zdajuć try ŭstupnyja ispyty ŭ piśmovaj formie pa nastupnych piśmovych pradmietach:
2 červienia — Biełaruskaja mova (dyktoŭka)
4 červienia — Matematyka (kantrolnaja rabota)
6 červienia — Rasiejskaja mova (dyktoŭka)
Telefony dla daviedak: 284-51-26, 284-87-16.
Akramia taho himnazija abviaściła dadatkovy nabor na volnyja vučnioŭskija miescy ŭ 6 — 11-ja kłasy.
U himnazii na vysokim uzroŭni vykładajucca anhlijskaja, kitajskaja, połśkaja movy.
Telefony dla daviedak: 284-47-62, 284-87-16.
***
U himnazii № 28 (Rakasoŭskaha, 93) da 25 traŭnia praciahvajecca pryjom zajavaŭ ad baćkoŭ budučych pieršakłaśnikaŭ. Pa infarmacyju možna źviartacca pa telefonach: 248-32-02, 248-12-64, abo napisać na E-mail: [email protected]. Pryjom zajaŭ adbyvajecca na praciahu pracoŭnaha dnia, u tym liku i ŭ suboty. U pieryjad z 2 pa 6 červienia hetaha navučalnaha hodu adbudziecca zdača ŭstupnych ispytaŭ dla vučniaŭ , što pastupajuć u 5-ja himnazičnyja kłasy. Ispyty adbuducca ŭ piśmovaj formie pa biełaruskaj i rasiejskaj movach, matematycy.
«Himnazija № 28» prapanuje vykładańnie ŭsich pradmietaŭ na rodnaj movie, a taksama pahłyblenaje vyvučeńnie francuzskaj movy, mižnarodnyja abmieny, a taksama vykładańnie pradmietaŭ na francuzskaj movie (krainaznaŭstva, litaratura Francyi) pa prahramach, raspracavanych nastaŭnikami škoły
***
Prymaje zajavy ŭ biełaruskamoŭnyja 1 kłasy himnazija № 14 (vuł. Vaśniacova, 10). Kantakty pa telefonach: 295-01-33, 295-21-31.
Ekzamieny dla vypusknikoŭ pačatkovaj škoły tut adbuducca z 2 červienia pa 6 červienia 2009 hoda. Pretendentam treba budzie zdać piśmovyja ispyty pa biełaruskaj i ruskaj movach, matematycy.
Himnazija № 14 prapanuje pahłyblenaje vyvučeńnie zamiežnych movaŭ, śpieckursaŭ pa mifałohii, psichałohii, asnovach ekanamičnych viedaŭ, žurnalistycy i šmat inšaha. Na bazie himnazii dziejničajuć falkłorny ansambl, muziei, litaraturnaja studyja i studyja balnych tancaŭ.
***
Čakaje pieršakłaśnikaŭ i biełaruskamoŭnaja škoła z muzyčnaj nakiravanaściu № 60 (Libkniechta, 82). Źviartacca pa telefonach: 208-69-74, 209-94-49.
***
SŠ №190 (vuł.Nikifarava, 19) --PADZAH
Ažyćciaŭlaje pryjom dakumientaŭ u pieršyja kłasy na 2009/2010 navučalny hod ad 1 červienia da 28 žniŭnia 2009 h. Baćkoŭ z dakumientami čakajuć u nastaŭnickaj (I pavierch) u paniadziełak (10.00—14.00), sieradu (16.00-20.00), piatnicu (10.00-14.00), subotu (10.00-13.00). Vykładańnie ŭ škole № 190 adbyvajecca na biełaruskaj i ruskaj movach. Škoła prapanuje taksama biaspłatnuju muzyčnuju adukacyju i spartyŭnyja siekcyi.
Daviedki: t. (017) 260-24-90; je-mail:[email protected]
Kamientary