Parłamientu krainy nie ŭdałosia siońnia abrać prezidenta ź pieršaj sproby. Kali nie ŭdasca abrać z druhoj sproby — parłamient pavinien być raspuščany.
Parłamientu Małdovy nie ŭdałosia siońnia abrać prezidenta ź pieršaj sproby. Kali nie ŭdasca abrać z druhoj sproby — parłamient pavinien być raspuščany.
Kandydat, prapanavany kiroŭnaj partyjaj kamunistaŭ, Zinaida Hrečanaja nie atrymała nieabchodnaj kolkaści hałasoŭ. Joj nie chapiła adnaho hołasu — apazicyja bajkatavała hałasavańnie.
Paŭtornyja vybary pryznačanyja na 28 traŭnia. Kali kiraŭnika dziaržavy nie ŭdasca abrać z druhoj sproby, to parłamient pavodle zakonu pavinien być raspuščany, paviedamlaje Echo Moskvy.
***
Parłamienckija vybary prajšli ŭ Małdovie 5 krasavika, u nastupnyja dni apazicyja pasprabavała asprečyć vyniki vybaraŭ, što skončyłasia biesparadkami i pahromam parłamienta i Administracyi prezidenta.
Ułady pajšli na pierapadlik hałasoŭ, jaki paćvierdziŭ pieramohu Partyi kamunistaŭ, jakaja nabrała 49,48% hałasoŭ, jak i pa vynikach pieršaha padliku hałasoŭ. Najbližejšy pieraślednik kamunistaŭ — Libieralnaja partyja, zhodna z kančatkovymi źviestkami pierapadliku, nabrała 13,13%. Dalej idzie Libieralna‑demakratyčnaja partyja (12,43%) i aljans «Naša Małdova» — 9,77%.
Tym nie mienš kamunistam nie chapiła adnaho mandatu (patrebien byŭ 61 mandat), kab sfarmavać urad i vybrać prezidenta nie zvažajučy na prysutnaść inšych palityčnych partyj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary