Niaścierpnaja biaźlitasnaść, prynamsi na dumku dackich sudździaŭ: kapienhahienski sud pryznaŭ učora miascovuju tieleviadučuju vinavataj u žorstkim abychodžańni z žyviołami, paśla taho jak padčas pieradačy na temy spažyviectva taja vyliła ŭ akvaryum kaliva šampuniu – i hetak zrabiłasia zabojcam 12 rybak hupi.
Supraćpraŭnaje dziejańnie adbyłosia ŭ 2004 hodzie: tady Liźbiet Kołster vykuliła ŭ akvaryum 10 mililitraŭ šampunia suprać łuskavińnia, z metaju na žyvym prykładzie paćvierdzić taksičnaść rečyvaŭ, jakimi karystajucca vytvorcy šampuniaŭ. Praz try dni 12 z 13 rybak pajšli z žyćcia. A praz čatyry na viadučuju padaŭ u sud telehladač, kapienhahienski vieterynar.
Padčas dopytu padazravanaj dackija palicyjanty vyśvietlili, što viadučaja rabiła svaju čornuju spravu z poŭnym uśviedamleńniem, hruntujučysia na papiarednich miedyčnych ekśpierymientach.
Ale pryznanuju vinavataj Liźbiet Kołster nie aštrafavali. Bo, dziakujučy piacihadovaj vałakicie, vyciek termin daŭnaści dla takich spravaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary