Bolš za 70 hadzin biez mabilnaha internetu. Źjaviłasia spravazdača pra biełaruski šatdaŭn
«Biełaruskaja absiervatoryja internetu» padrychtavała spravazdaču ab błakavańniach internetu ŭ Biełarusi za pieryjad sa žniŭnia da kanca kastryčnika. dev.by paličyŭ, kolki my pražyli bieź internetu.
Pavodle spravazdačy, ź viečara 9 da ranicy 12 žniŭnia ŭ Biełarusi byŭ całkam adklučany mabilny internet u troch biełaruskich apierataraŭ na praciahu 31 hadziny 45 chvilin.
U pieryjad z 9 pa 12 žniŭnia ahulny čas pierabojaŭ ź internet-suviaźziu ŭ Biełarusi skłaŭ 61 hadzinu. U spravazdačy «biełaruskaj absiervatoryi internetu» padličany hadziny poŭnaha adklučeńnia mabilnaha internetu za toj samy pieryjad.
Pačynajučy z 30 žniŭnia, kožnuju niadzielu apieratary adklučali mabilny internet «pa rasparadžeńni vyšejstajačych orhanaŭ». Pieryjadyčna źnikała sietka nie tolki ŭ Minsku, ale i ŭ rehijonach, što aktyŭna pratestujuć. U siarednim mabilny internet adklučali na 4-5 hadzin štoniadzieli.
Z 30 žniŭnia pa 25 kastryčnika mabilnaha internetu ŭ biełaruskich karystalnikaŭ sumarna nie było amal dvoje sutak — na praciahu bolš jak 39 hadzin.
Takim čynam, za 3 paślavybarčyja miesiacy mnohija biełarusy byli całkam pazbaŭlenyja mabilnaha internetu prynamsi na 71 hadzinu.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA6
Kamientary