Pradstaŭniki Sučasnaha mastackaha teatra napisali, što biez hastrolnaha paśviedčańnia na kožny śpiektakl nie mohuć jaho pakazvać, a «hastrolki» im nie padpisvajuć užo dva miesiacy, — piša Tut.by.
— My piać razoŭ užo padavali zapyt, ale kožny raz znachodzicca pryčyna na admovu, — pišuć u SMT. — U vyniku ŭ listapadzie my pakazali adzin śpiektakl ź siami zajaŭlenych. Na śniežań adkazu niama, choć naš administratar udakładniaje [ab dazvole] kožnuju ranicu i ŭ kancy pracoŭnaha dnia. Pradstaŭniki Teatra nahadali, što SMT 15 hadoŭ, z momantu svajho adkryćcia, isnuje bieź dziaržaŭnaj padtrymki, bo źjaŭlajecca niedziaržaŭnym teatram i nie finansujecca nijakaj strukturaj abo arhanizacyjaj.
— Dla našaha teatra nastupajuć niaprostyja časy. Usie hetyja hady my vyžyvali tolki za košt svajoj dziejnaści, to-bok za košt hledačoŭ i nabytych imi kvitkoŭ. Ciapier naša dziejnaść spyniajecca pa nie zaležnych ad nas pryčynach (na čas). My spadziajomsia, što znojducca razvažnyja ludzi, jakija zmohuć rastłumačyć, čamu nam zabaraniajuć pracavać i ci chutka my vierniemsia da pakazaŭ śpiektaklaŭ. Pakul hetyja pytańni zastajucca adkrytymi.
Pradstaŭniki teatra taksama źviarnulisia da hledačoŭ z prośbaj nie viartać bilety na śpiektakli, kali heta mahčyma, a adkłaści vizit u teatr da adnaŭleńnia pakazaŭ. Usie kvitki buduć sapraŭdnyja na śpiektakli da śniežnia 2021 hoda.
U repiertuary SMT niekalki dziasiatkaŭ śpiektaklaŭ, usie hady z momantu zasnavańnia akciory vystupali na scenie KZ «Minsk».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary