Alaksandr Łukašenka prapanavaŭ zrabić Usiebiełaruski narodny schod kanstytucyjnym orhanam. Pra heta jon zajaviŭ siońnia na sustrečy z kalektyvam Staŭbcoŭskaj centralnaj rajonnaj balnicy, piša BiełTA.
«Ja tak dumaju (nie viedaju, ci padtrymajecie vy, ci nie): Usiebiełaruski narodny schod treba zrabić kanstytucyjnym orhanam. Kab byŭ taki orhan, jaki b kantralavaŭ hałoŭnyja napramki našaha raźvićcia», — skazaŭ Alaksandr Łukašenka.
Pa jaho słovach, paradak dnia Usiebiełaruskaha narodnaha schoda budzie kančatkova sfarmiravany paśla kaladnych śviataŭ. Samo mierapryjemstva projdzie ŭ kancy studzienia-pačatku lutaha.
Łukašenka taksama prapanavaŭ abirać delehataŭ na piacihadovy termin. Rola ich budzie značna vyšejšaja.
«Kali rastvaryć paŭnamoctvy prezidenta, budzie poŭny bardak, jaki my ŭ siaredzinie 90-ch pieražyli. Tamu patrebny orhan, jaki b usich stabilizavaŭ, — padkreśliŭ jon. — Ja prychilnik taho, kab usio vyrašali vy. Narod pavinien vyrašać».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary