Va Uruččy supracoŭnik «Zielanbuda» siek lod, kab dastać bieł-čyrvona-bieły ściah
Ranicaj žychary Uručča zaŭvažyli, jak na sažałcy supracoŭnik «Zielanbuda» siek lod, sprabujučy dastać takim čynam bieł-čyrvona-bieły ściah, piša Tut.by.
Čarhovaja śpiecapieracyja pa kanfiskacyi BČB-ściaha prachodziła na sažałcy va Uruččy (pamiž domam №16 na vulicy Akademika Kupreviča i škołaj-sadam №31).
Prykładna a 12 hadzinie miascovyja žychary zaŭvažyli troch supracoŭnikaŭ «Zielanbuda» Pieršamajskaha rajona.
— Spačatku niešta kinuli na lod, imavierna, sol. I stajali kuryli chvilin 30-40. Potym adzin ź ich pajšoŭ na lod i dzieści chvilin 20-30 siek jaho pad saboj, — raspaviała adna ź miascovych žycharak, jakaja nazirała za tym, što adbyvajecca.
Pavodle jaje słoŭ, bolš za hadzinu mužčyna sprabavaŭ takim čynam vydzirać ściah.
— Pryjšli miascovyja žychary, jakija prasili nie ryzykavać saboj. Tamu što supracoŭniki «Zielanbuda» byli biez kamizelek, biez srodkaŭ abarony. U ich z saboj navat viarovak nie było, — raspaviadaje žančyna.
Miascovaja žycharka taksama patelefanavała ŭ MNS, tam joj rastłumačyli: kali čałaviek nie tonie, to jany ničoha zrabić nie mohuć. Zvanok pieranakiravali ŭ milicyju. U milicyi ŭdakładnili pra hłybiniu sažałki, pryniali vyklik i skazali, što buduć pa im pracavać.
— Zielanbudaŭcy kazali, što ich nakiravała siudy načalstva, — kažuć miascovyja žychary.
Pa słovach vidavočcaŭ, nieŭzabavie supracoŭnikam «Zielanbuda» stali telefanavać na mabilny, paśla čaho adzin ź ich pierastaŭ vydzirać ściah i ŭsie syšli. Kavałački ściaha zastalisia ŭmierzłyja ŭ sažałcy. Milicyja na miesca nie pryjazdžała.
Kamientary