Kolkaść hramadzian ZŠA, jakija pamierli ad novaj karanavirusnaj infiekcyi, pieravysiła vajennyja straty krainy ŭ Druhoj suśvietnaj, piša meduza.io sa spasyłkaj na amierykanskija ŚMI.
Pavodle źviestak Univiersiteta Džonsa Chopkinsa, z pačatku pandemii ŭ ZŠA ad karanavirusa pamierli ŭžo bolš za 292 tysiačy čałaviek.
Pa padlikach Ministerstva pa spravach vieteranaŭ ZŠA, u Druhoj suśvietnaj vajnie, u jakuju kraina ŭstupiła ŭ śniežni 1941 hoda, byli zabityja 291 557 vajskoŭcaŭ. Jašče 113 842 amierykancy zahinuli nie ŭ bai.
ZŠA zastajucca lidarami siarod usich krain śvietu pa kolkaści zaražeńniaŭ COVID-19. Usiaho ŭ krainie na karanavirus zachvareli ŭžo bolš za 15,6 młn čałaviek. A Suśvietnaja mietryka daje ŭžo 16 młn. Pryčym u troch štatach kolkaść zachvarełych pieravyšaje miljon (Kalifornija — amal 1,5 młn, Techas — 1,5 młn, Fłaryda — 1,094 młn).
