U Biełaviežskuju pušču ŭpieršyniu z kanca XIX stahodździa viarnuŭsia miadźviedź. Apošniaha tam zabili ŭ 1879-m, a paźniejšyja nie pryžyvalisia
Pra heta napisaŭ u svaim fejsbuku ekołah Viktar Fiančuk.
«Za palityčnymi batalijami hetaha hoda amal niezaŭvažanaj prajšła, chiba, adna z najbolš znakavych padziej XXI stahodździa dla Biełaviežskaj puščy — viartańnie miadźviedzia. Apošni dziki biełaviežski bury miadźvied́ byŭ zabity ŭ Biełaviežskaj puščy ŭ 1879-m — 140 hod tamu. U 1937 hodzie była zroblena sproba jaho reintradukcyi. Darečy, heta reintradukcyja miadźviedzia ŭ Biełaviežskaj puščy ličycca pieršaj u śviecie (!) sprobaj reintradukcyi bujnoha drapiežnika dla pryrodaachoŭnych metaŭ. U 2012 hodzie da idei reintradukcyi miadźviedzia na biełaruski bok viarnulisia znoŭ u ramkach pryrodachoŭnaj prahramy, ale ideja nie była realizavanaja»
Z času svajho źniknieńnia miadźviedzi pieryjadyčna zachodzili ŭ pušču, ale nie zatrymlivalisia tut. U tym liku z-za brakańjerskaha pieraśledu. Papiaredniaja rehistracyja miadźviedzia ŭ puščy adbyłasia ŭ 2003 hodzie, u vakolicach bałota Dzikaje.
«Miadźviedź ź videa Alaksandra Piekača — samiec uzrostam kala 3 hod — trymajecca ŭ puščy ŭžo bolš za hod. I pakul vyhladaje, što dahetul zastajecca adzinym miadźviedziem u Biełaviežskaj puščy. Ale jość nadzieja. Najbližejšaja ŭstojlivaja hrupoŭka miadźviedzia znachodzicca za 170 kiłamietraŭ — u Nalibockaj puščy. A heta całkam dasiahalnaja adlehłaść», — napisaŭ Viktar Fiančuk.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary