MZS Biełarusi adreahavała na infarmacyju ab rašeńni ZŠA ad 23 śniežnia 2020 hoda ab uviadzieńni dadatkovych vizavych i finansavych abmiežavańniaŭ u dačynieńni da biełaruskich fizičnych i jurydyčnych asob.
Fota Nadziei Bužan.
«Ličym nazvanaje rašeńnie emacyjnym, što nie maje ničoha ahulnaha z realnym stanoviščam rečaŭ. Dziejańni amierykanskich partnioraŭ iduć nasupierak raniej abvieščanaj imi ž palityki ŭklučeńnia Biełarusi va ŭzajemadziejańnie i nijakim čynam nie nakiravanyja na padtrymku niezaležnaści našaj krainy», — padkreślili ŭ viedamstvie.
U MZS Biełarusi adznačyli, što «nasadžanaja amierykancami «dyktatura pravoŭ čałavieka» vyhladaje asabliva niedarečna na fonie taho, što ŭ samich ZŠA z pravami čałavieka daloka nie ŭsio ŭ paradku».