Cana na rasijski pryrodny haz dla Biełarusi na 2021 hod składzie 128,5 dalara za tysiaču kubamietraŭ — takuju canu nazvaŭ Alaksandr Łukašenka. «128,5 (dalara). Ale ja akruhlaju, 130», — skazaŭ Łukašenka ŭ intervju dla rasijskaha telekanała, pieradaje RIA «Novosti».
U kancy śniežnia 2020 hoda «Hazprom» paviedamiŭ, što kiraŭnik kampanii Alaksiej Miler i biełaruski ministr enierhietyki Viktar Karankievič u Sankt-Pieciarburzie padpisali pratakoł ab paradku farmiravańnia cen pry pastaŭcy hazu ŭ respubliku ŭ 2021 hodzie. Pry hetym cana pastavak hazu ŭ krainu ŭ paviedamleńni rasijskaj kampanii paznačanaja nie była. Paźniej Minenierha Biełarusi ŭdakładniła, što jana budzie praktyčna na ŭzroŭni 2020 hoda, u toj ža čas kankretnuju vieličyniu viedamstva taksama nie nazvała.
Cana na pastaŭku rasijskaha hazu dla Minska ŭ 2020 hodzie składała 127 dalaraŭ za tysiaču kubamietraŭ, choć biełaruski bok nastojvaŭ na jaje źnižeńni.
