U hramadzianki Biełarusi, špitalizavanaj u Maskvie, paćvierdziŭsia dyjahnaz «hryp A/H1N1».
U hramadzianki Biełarusi, špitalizavanaj u Maskvie, paćvierdziŭsia dyjahnaz «hryp A/H1N1». Jak pieradaje RIA Novosti, pra heta viečaram 28 maja paviedamiŭ žurnalistam kiraŭnik Rasspažyŭnahladu, hałoŭny dziaržaŭny sanitarny ŭrač Rasii Hienadź Aniščanka.
Nahadajem, 26 maja ŭ balnicu Maskvy z vysokaj tempieraturaj pastupiła 28-hadovaja hramadzianka Biełarusi, jakaja pastajanna žyvie ŭ Italii.
Jana ažyćciaŭlała turystyčnuju pajezdku pa ZŠA, Čechii i Rasii.
25 maja biełaruska prybyła z Prahi ŭ Maskvu.
«Žančyna ŭžo adčuvaje siabie narmalna, u piatnicu jana budzie vypisana i palacić u Italiju. Jana atrymała lačeńnie ŭ adpaviednaści ź nieabchodnymi standartami», — skazaŭ Aniščanka.
Pry hetym jon padkreśliŭ, što ŭ ludziej, jakija kantaktavali z chvoraj, prykmietaŭ hrypu nie vyjaŭlena.
«My nie stali niepakoić pa hetaj situacyi našych kaleh ź Biełarusi, pakolki žančyna apošnim časam nie była źviazana z radzimaj i žyvie ŭ Italii», — paviedamiŭ Aniščanka.
Suśvietnaja arhanizacyja achovy zdaroŭja (SAAZ) paćvierdziła 27 maja 13.398 vypadkaŭ zachvorvańnia ludziej na hryp A/H1N1 u 48 krainach, 95 zachvareŭšych pamierli. Pavodle źviestak SAAZ, u ZŠA paćvierdžany 6.764 vypadkaŭ zachvorvańnia ludziej na hryp A/H1N1, 10 čałaviek pamierli. U Mieksicy zarehistravany 4.541 vypadak, ź ich 83 sa śmiarotnym kancom. U Kanadzie novaj raznavidnaściu hrypu zachvareŭ 921 čałaviek (adzin pamior), 33 vypadki chvaroby, u tym liku adzin sa śmiarotnym kancom, adznačany ŭ Kosta-Rycy.
Kamientary