Biełaruskija bajcy praviali fiejeryčnyja pajadynki ŭ čverćfinale čempijanatu Jeŭropy pa kikboksinhu siarod prafiesijanałaŭ u viersii TNA, jaki prajšoŭ u Kazani.
Biełaruskija bajcy praviali fiejeryčnyja pajadynki ŭ čverćfinale čempijanatu Jeŭropy pa kikboksinhu siarod prafiesijanałaŭ u viersii TNA, jaki prajšoŭ u Kazani. Na arenie chakiejnaha rasijskaha kłuba «Akbars» biełaruskija bajcy syšlisia z rasiejskimi. Naš čempijon u vazie 70 kh Vital Hurkoŭ vychodziŭ u rynh pad pieśniu «Zorački».
Spabornictvy majuć status čempijanatu Jeŭropy siarod prafiesijanałaŭ. Siudy nasamreč źjechalisia znakamityja bajcy z usioj Jeŭropy. Ale da paŭfinału dajšli najmacniejšyja – hałandcy, biełarusy i rasijanie. Z našych u turniry nie ŭdzielničaje tolki adzin vip‑bajec — Zabit Samiedaŭ, jaki maje kantrakt z karparacyjaj K‑1. Ale i bieź jaho ŭ Kazani biełarusy ździejśnili sapraŭdny furor.
Vital Hurkoŭ («Čynuk», Minsk) u druhim raŭndzie pabiŭ bajca ź Nižniaha Noŭharada Ŭładzimira Šakaja. Vital vychodziŭ na rynh pad pieśniu «Lapisaŭ» «Zorački». Za čatyry dni da hetaha boju biełarus vyjhraŭ čempijanat Jeŭropy ŭ składzie nacyjanalnaj zbornaj Biełarusi.
«Chłopcy — małajcy, nie pakinuli supiernikam šancaŭ, — kaža trenier z kłuba «Čynuk» i zbornaj Biełarusi Dźmitryj Piasiecki. — Vitalu Hurkovu pasprabavali dać papiaredžańnie, maŭlaŭ, jon nie pa praviłach nanios udar kalenam sapierniku. Sudździ prydziralisia, ale heta nie vyratavała rasijskaha bajca».
Ciažkavahavik Ihar Buhajenka (kłub «Čynuk», Minsk) u čatyroch raŭndach pieramoh Abdułchalika Mahamiedava z Dahiestana. Iharu troški nie chapiła, kab nakaŭtavać sapiernika.
Vierahodna, Buhajenku u nastupnym pajadynku daviadziecca syścisia z rasijskim nakaŭcioram Alaksandram Ściecurenkam, jaki nakaŭtavaŭ u Kazani chłopca z Połacku Alaksandra Šłakunova.
Absalutny čempijon śvietu ŭ vazie 75 i 80 kiłahramaŭ biełarus Dźmitryj «Šok» Šakuta («SK‑55», Minsk) taksama ŭ adnu «fortku» pieramoh rasijanina Valancina Siamionava. Šakuta — toj samy baksior, jaki pa «Biełsacie» vinšavaŭ biełarusaŭ z apošnim Novym hodam pa‑biełarusku.
Paŭfinalnyja bai TNA praciahnucca vosieńniu. Tam biełarusaŭ buduć čakać najlepšyja siły rasijanaŭ. Heta Arciom Levin pa mianušcy «Kat» (nakaŭtavaŭ užo niekalki biełarusaŭ) i 19‑hadovy maskvič Uładzimir Miniejeŭ, jaki chvalicca, što ŭsich pabje i zrobicca čempijonam śvietu pa ŭsich viersijach.
Kamientary