Źmianieńnie staŭki PDV z 1 červienia małavierahodnaje. Takoje mierkavańnie vykazaŭ pieršy namieśnik ministra pa padatkach i zborach Uładzimir Pałujan, vystupajučy 29 maja na sumiesnym pasiadžeńni pałat Nacyjanalnaha schodu.
Nahadajem, pra mierkavanyja źmieny ŭ sistemie padatkaabkładańnia paviedamiŭ pieršy vice‑premjer Biełarusi Uładzimir Siamaška 23 maja na pasiadžeńni Nacyjanalnaha savieta pa pracoŭnych i sacyjalnych pytańniach. U pryvatnaści, skazaŭ jon, 1 červienia padatkovuju nahruzku na subjekty haspadarańnia płanujecca źnizić na 1,3% da VUP. Pry hetym staŭka padatku na dadadzieny košt uzrastaje z 18 da 22%. Pavodle słoŭ Siamaški, płanujecca admianić abarotny padatak, jaki adličvajecca ŭ fond padtrymki sielhasvytvorcaŭ. «My likvidujem 5‑pracentny miascovy zbor z prodažu, 3% miascovaha zboru sa zvyšprybytku na raźvićcio rehijona i na 4% skarocim padatak na prybytak (ciapier jon składaje 24%. — BiełaPAN.)», — skazaŭ vice‑premjer.
«Uličvajučy, što ŭžo 29 maja, praktyčna realizavać pałažeńnie prajekta ŭkaza z 1 červienia ciažka», — skazaŭ Pałujan, padkreśliŭšy, što «zadnim čysłom uvodzić źmianieńni ŭ PDV niemahčyma».
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ2
Kamientary