Aktyvista Baranavickaj filii Maładoha Frontu, jakoha ŭčora adličyli z 1 kursu Baranavickaha dziaržaŭnaha ŭniviersiteta, adnavili na vučobie.
Aktyvista Baranavickaj filii Maładoha Frontu Piatra Ruzava, jakoha ŭčora adličyli z 1 kursu Baranavickaha dziaržaŭnaha ŭniviersiteta, adnavili na vučobie.
U čaćvier Piatru Ruzavu ŭručyli pastanovu ab adličeńni z farmuloŭkaj «parušeńnie ŭnutranaha rasparadku». Niadaŭna, Piatra prysudzili da štrafu za naniasieńnie hrafici «Svabodu Aŭtuchoviču» na budynak haradskoha miasakambinata.
Siońnia ranicoju Piatru patelefanavali z dekanatu i zaprasili jaho na razmovu. Na sustrečy prysutničała administracyja ŭniversyteta, u tym liku i rektar S. Chačurka.
«Rektar paviedamiŭ, što adklikaje zajavu ab adličeńni, ale da nastupnaha zatrymańnia. Užo siońnia mnie dazvolili abaranić kursavuju pracu», — raspaviadaje Piotr Ruzaŭ.
Na dumku Piatra Ruzava, adnoj z pryčyn adnaŭleńnia junaka va ŭniviersitecie staŭ rezanans u ŚMI.
«Rektar byŭ niezadavoleny tym, što hety vypadak aśviatlali ŚMI, žurnalisty telefanavali ŭ dekanat i h.d. Jon skazaŭ, što dyskredytuju i prynižaju ŭniviersitet. Takaja aktyŭnaja reakcyja ŚMI mnie vielmi dapamahła», — kaža maładafrontaviec.
Kamientary