Hienieralnaja prakuratura abviaściła, što inicyjuje abviaščeńnie byłoha ministra kultury i pasła Biełarusi ŭ Francyi i Polščy Paŭła Łatušku ŭ mižnarodny vyšuk.
«Sprava, jakaja zaviedzienaja ŭ dačynieńni da mianie, a taksama inšych siabraŭ Kaardynacyjnaj rady, źjaŭlajecca palityčna matyvavanaj. Zrazumieła, što tyja dziejańni, jakija ździajśniaje ŭ dačynieńni da mianie Hienprakuratura, jak pieradača spravy ŭ Interpoł, taksama palityčna matyvavanyja.
Vyhladaje heta vielmi dziŭna, kali ŭ dačynieńni asob, jakija ździajśniajuć złačynstvy, zabivajuć mirnych pratestoŭcaŭ, zajmajucca hvałtam, nie zavodziacca kryminalnyja spravy, nie pravodzicca śledčych dziejańniaŭ. A tyja ludzi, jakija asudžajuć hvałt, traplajuć pad kryminalnuju adkaznaść. Da čaho moža dajści situacyja ŭ Biełarusi? Možna pačynać čytać Kryminalny kodeks pierahornutym, jon bolej niepatrebny».
Ci nie ličyć Łatuška, što heta moža być źviazana ź viečarovym rašeńniem pa Čempijanacie śvietu pa chakiei, jaki mohuć zabrać u Minska?
«Zrazumieła, što NAU rabiła zachady dla taho, kab rastłumačyć staršyni Mižnarodnaj fiederacyi chakieja našu pazicyju. Pakazać fakty i toj stan z masavym parušeńniem pravoŭ čałavieka i spartsmiena ŭ našaj krainie, ale ja b nie źviazvaŭ hetyja fakty», — ličyć Łatuška.
