Fatahrafii i videa idealna roŭnaha ledzianoha koła na race Lasnaja ŭ Kamiancy raźlatajucca pa sacsietkach.
Ludziej ździŭlaje heta niezvyčajnaja pryrodnaja źjava: mała taho, što lod utvaryŭsia ŭ formie koła, tak jano jašče i krucicca!
— Heta redkaja źjava dla Biełarusi, — tłumačyć kp.by krajaznaŭca Andrej Astašenia z Kamianca.
— U Kamiancy jość most praz raku Lasnaja. U hetym miescy atrymlivajecca takoje jak by butelkavaje rylca: raka prachodzić pad mostam, potym rezka pašyrajecca, utvorycca nievialiki vir. Niadaŭna rezka pryjšoŭ mocny maroz, na race staŭ lod. Bujnyja kryhi trapili ŭ vir, ich zakruciła, masa lodu stała naroščvacca — i ŭtvaryłasia koła. U dyjamietry kala 25-27 mietraŭ, — raspaviadaje Andrej Astašenia.
Ciapier vielizarnaje ledzianoje koła pierastała krucicca — jano spyniłasia, umierzła ŭ lod na race. I jaho ŭžo zaniali rybaki. Kažuć, lod byŭ davoli mocny — nie mienš 10 sm taŭščynioj. I choć raku prycierušyła śviežym śnieham, abrysy koła na race ŭsio jašče bačnyja.
Praŭda, nieviadoma, ci pieražyvie koła paciapleńnie.
Kamientary