Ab hetym Łukašenka zajaviŭ na naradzie z kiraŭnictvam Saŭmina, dzie abmiarkoŭvajucca dakumienty, jakija zakranajuć roznyja śfiery žyćcia
«Maje padychody pa bolšaści pytańniaŭ viadomyja. Pry abmierkavańni prapanavanych tem najpierš na čale pavinny stajać metazhodnaść, ekanamičnaja efiektyŭnaść i sacyjalnaja spraviadlivaść», — cytuje słovy Łukašenki BiełTA.
Jon źviarnuŭ uvahu, što, mahčyma, budaŭnictva tych ci inšych abjektaŭ, jakija nie daduć chutkaj finansavaj addačy, možna było b pieranieści na nastupnyja hady.
Łukašenka adznačyŭ, što ŭ prajekcie dziaržaŭnaj inviestycyjnaj prahramy praduhledžana budaŭnictva prykładna 130 abjektaŭ na sumu bolš jak 600 młn rubloŭ.
«Heta nie hrošy dla dziaržavy. Ale tym nie mienš i tut pavinna być ekanomija. Bo heta prykład inšym. Kali my naviersie nie ŭmiejem ekanomić i vyłučyć najbolš važnaje i nieabchodnaje dla raźvićcia, tady i hubiernatary, i staršyni vykankamaŭ buduć prytrymlivacca takich ža pryncypaŭ», — skazaŭ jon.
Pa kamiercyjnych prajektach jon pastaviŭ anałahičnyja pytańni.
«Svabodnych, šalonych hrošaj niama. Tym bolš dla tych abjektaŭ, jakija sami pavinny prynosić prybytak. A luboje zaciahvańnie terminaŭ ich realizacyi — heta finansavyja straty, jakija chtości budzie vymušany apłacić», — skazaŭ Łukašenka.
Abmierkavanyja taksama byli nastupnyja pytańni: karekciroŭka zakanadaŭstva pa pytańniach dziejnaści haspadarčych tavarystvaŭ, śfiera elektraenierhietyki (udaskanaleńnie zakanadaŭstva ŭ hetaj halinie), ahraekaturyzm.
Kamientary