Rady biaśpieki Polščy i Ukrainy praviali kansultacyi ab situacyi ŭ Biełarusi z udziełam Paŭła Łatuški
Rada nacyjanalnaj biaśpieki i abarony Ukrainy i Biuro nacyjanalnaj biaśpieki Polščy praviali čarhovyja kansultacyi, na jakich abmierkavali situacyju ŭ Biełarusi.
Čarhovyja polska-ŭkrainskija kansultacyi adbylisia ź inicyjatyvy Ŭkrainy, piša Radyjo Svaboda.
«Asnovaj našaj biaśpieki — i va Ŭkrainie, i ŭ Polščy — źjaŭlajecca niezaležnaja, demakratyčnaja Biełaruś, žychary jakoj sami vyrašajuć los svajoj krainy. Tamu my žyćciova zacikaŭlenyja ŭ padtrymcy pracesu demakratyzacyi ŭ Biełarusi. My taksama kłapocimsia ab uzhodnienaj i rašučaj palitycy Zachadu ŭ dačynieńni panujučaha režymu ŭ Biełarusi», — zajaviŭ kiraŭnik Biuro nacyjanalnaj biaśpieki Polščy Pavał Sołach.
Pavodle jaho, apošnim časam sytuacyja ŭ Biełarusi stała najvažniejšaj temaj supracoŭnictva Polščy i Ŭkrainy.
Jak paviedamili ŭ presavaj słužbie Ministerstva zamiežnych spravaŭ Ukrainy, udzielniki kansultacyj zajavili ab namiery pradoŭžyć dyjaloh u farmacie Lublinskaha trykutnika (Ukraina Polšča, Litva), kab dapamahčy biełaruskamu narodu i spryjać dalejšamu raźvićciu Biełarusi jak niezaležnaj i demakratyčnaj dziaržavy.
«Dla Ŭkrainy i ŭsioj Eŭropy nadzvyčaj važna, kab Biełaruś zastavałasia suverennaj i niezaležnaj dziaržavaj, udalečyni ad rasiejskich upłyvaŭ. Ukraina hatovaja supracoŭničać u roznych farmatach, kab dapamahčy Biełarusi ŭ vyrašeńni palityčnaha kryzisu», — zajaviŭ namieśnik ministra zamiežnych spravaŭ Ukrainy Vasil Bodnar.
Upieršyniu ŭ polska-ŭkrainskich kansultacyjach uziaŭ kiraŭnik Narodnaha antykryzisnaha kiraŭnictva Pavał Łatuška, jaki padkreśliŭ važnaść padtrymki Polščy i Ŭkrainy represavanych biełarusaŭ i ŭ bolš šyrokaj perspektyvie — u farmavańni ahulnaj pazycyi Zachadu nakont sytuacyi ŭ Biełarusi.
Kamientary