Siarhiej Marcaleŭ. Fota z fejsbuka.
U niadzielu ŭ telehram-kanale «Viasna. Pravy čałavieka ŭ Biełarusi» źjaviłasia paviedamleńnie, što nieviadomyja sprabujuć trapić u kvateru da palittechnołaha i byłoha palitviaźnia Siarhieja Marcaleva. Suviaź ź im adsutničała. Čym skončyłasia historyja?
Siarhiej Marcaleŭ na voli, ale kaža, što časova vymušany znachodzicca nie doma. «Prostaja mova ŭ čałavieka, jaki hrukaŭsia ŭ dźviery, była cudoŭnaj, u nas na Traktarnym zavodzie tak nie razmaŭlajuć».
Siarhiej ličyć, što vypadkovaściu heta być nie moža. «Jon nazvaŭ preparat, lehalny i biezrecepturny, jakija ja ŭžyvaju. Ahułam u dźviery hrukali chvilin 10. Dziŭnaja akcyja. Ale naŭrad ci mianie chacieli schapić», — skazaŭ Marcaleŭ.
Siarhiej Marcaleŭ — adzin z najbližejšych paplečnikaŭ Mikoły Statkieviča pa «Narodnaj Hramadzie». U demakratyčnym ruchu Siarhiej ad siaredziny 90-ch. Byŭ aryštavany paśla Płoščy 2010 hoda. Da maja 2011 znachodziŭsia ŭ śledčym izalatary, byŭ asudžany da 2 hadoŭ umoŭna.
