Vadzim Syčyk ź Biarozy atrymaŭ hod «chimii» za raźbitaje škło milicejskaha mikraaŭtobusa
28 studzienia ŭ sudzie Biarozaŭskaha rajona byŭ ahučany prysud 36-hadovamu Vadzimu Syčyku, abvinavačanamu pa č. 1 art. 339 Kryminalnaha kodeksa. Sudździa Natalla Vakulčyk asudziła Syčyka da adnaho hoda abmiežavańnia voli z nakiravańniem u papraŭčuju ŭstanovu adkrytaha typu («chimija»). Mienavita takoje pakarańnie zaprasiŭ napiaredadni namieśnik prakurora Jafimaŭ, paviedamlajuć pravaabaroncy.
Zhodna z abvinavačvańniem, Vadzim Syčyk 10 žniŭnia ŭ pieryjad času z 22.50 pa 23.00 naŭmysna adzin raz kinuŭ nieŭstanoŭlenym pradmietam i źniščyŭ bakavoje škło aŭtobusa marki MAZ, jaki ruchaŭsia pa vulicy Lenina ŭ Biarozie, i ŭ jakim u toj momant znachodzilisia supracoŭniki Biarozaŭskaha RAUS. Svaimi dziejańniami nanios majomasnuju škodu filijału «Aŭtamabilny park №8 h. Biarozy» na sumu 270 rubloŭ.
Abvinavačany svaju vinu pryznaŭ častkova: nie admaŭlaje kidka, ale kaža, što nie mieŭ chulihanskich namieraŭ i nie kidaŭ naŭmysna ŭ aŭtobus zapalničku. Pa jaho viersii, jon mocna razzłavaŭsia z-za taho, što ŭ jaho nie spracavała zapalnička, i kinuŭ jaje ŭ bok prajeznaj častki, viečka adarvałasia i trapiła ŭ aŭtobus, jaki prajazdžaŭ mima — škło pakryłasia «sietačkaj».
Vadzim Syčyk znachodziŭsia pad vartaj z 11 śniežnia. Paśla ahučvańnia prysudu jaho adpuścili na volu ŭ zali suda.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary