U Minsku sudziać dva dziasiatki zamiežnikaŭ za niepadparadkavańnie. Što adbyvajecca?
Kastryčnicki sud Minska 8 lutaha razhladaje kala 20 administratyŭnych spraŭ zamiežnych hramadzian: u śpisie italjanskija, arabskija, bałharskija imiony i proźviščy.
Usich abvinavačvajuć pa artykule 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ).
Pakarańnie — štraf ad 2 da 50 bazavych ci aryšt. Heta toj samy artykuł, jaki zvyčajna «dakidvajuć» pratestoŭcam da standartnaha 23.34, kab asudzić na 20-25 sutak.
Ale ž zamiežnikaŭ sudziać nie za udzieł u pratesnych akcyjach.
Akazvajecca, pad hety artykuł traplaje i parušeńnie mier samaizalacyi, patłumačyli «Našaj Nivie» ŭ sudzie Kastryčnickaha rajona. Mienavita ŭ hetym i vinavaciać dva dziasiatki zamiežnych hramadzian.
Sudziać chutka — u raskładzie bačna, što na razhlad adnoj spravy zakładvajecca piać chvilin.
Jak paviedamiła «Našaj Nivie» śpiecyjalist suda Kastryčnickaha rajona Faryda Mamiedava, usich zamiežnikaŭ, jakich sudzili ŭ pieršaj pałovie dnia, pakarali štrafami.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
Kamientary