MUS: Milicyja nie dapuścić praviadzieńnia jakich-niebudź niesankcyjanavanych akcyj padčas «Usienarodnaha schodu»
U milicyi papiaredzili ab karotkačasovych abmiežavańniach transpartu ŭ Minsku 11 i 12 lutaha.
Pra heta paviedamlaje pres-słužba viedamstva.
U MUS zaznačajuć, što napiaredadni Šostaha Usiebiełaruskaha narodnaha schodu orhany ŭnutranych spraŭ pradprymajuć usie nieabchodnyja miery pa hramadskaj biaśpiecy, heta źviazana ŭ tym liku z prybyćciom u stalicu vialikaj kolkaści ludziej.
«Asnoŭnaja zadača supracoŭnikaŭ milicyi ŭ hetyja dni — praduchilić pravaparušeńni, rastłumačyć praviły pavodzinaŭ i miery adkaznaści. U toj ža čas pravaachoŭniki nie dapuściać praviadzieńnia jakich-niebudź niesankcyjanavanych akcyj na fonie važnaha hramadska-palityčnaha mierapryjemstva. Pravaparadak budzie zabiaśpiečany: lubyja supraćpraŭnyja dziejańni spynienyja, a kožnamu ź ich — dadzienaja pravavaja acenka», — zajaviła aficyjny pradstaŭnik MUS Volha Čamadanava.
U milicyi źviarnuli ŭvahu, što 11 i 12 lutaha ŭ Minsku mahčymyja karotkačasovyja abmiežavańni ruchu, u tym liku pa pryčynie składanych umoŭ nadvorja — pa prahnozach sinoptykaŭ, na praciahu tydnia ŭ Minsku čakajecca mocny śniehapad. U viedamstvie zaklikali pa mahčymaści admovicca ad vykarystańnia asabistaha transpartu.
Kamientary